კომენტარი

მოხდა უბედურება არამარტო მაგ ოჯახისთვის, ამით სპეკულირება უადგილოა - გია ვოლსკი ოპოზიციას პასუხობს

პარლამენტის ვიცე -სპიკერი გია ვოლსკი, საპარლამენტო ოპოზიციის მოთხოვნას გამოეხმაურა, რომლის თანახმად, ნუცუბიძის პლატოზე მომხდარ ინციდენტთან დაკავშირებით უმცირესობა პარლამენტში შინაგან საქმეთა მინისტრის მისვლა მოითხოვა.

ვოლსკის თქმით, მოხდა უბედურება და საკითხით სპეკულირება უადგილოა.

რაც შეეხება ოპოზიციის განცხადებას, რომ გიორგი მღებრიშვილი პარლამენტში უნდა მივიდეს, რადგან მასთან ბევრი კითხვა დაგროვდა, ვიცე-სპიკერი პასუხობს, რომ ჯერჯერობით პასუხგაუცემელი კითხვა არ არსებობს.

„მოხდა უბედურება არამარტო მაგ ოჯახისთვის, არამედ საქართველოს ახალგაზრდა კაცის სიცოცხლე დააკლდა. ასე რომ, ეს ორი თემა საკმაოდ სერიოზული ბალანსი უნდა იყოს საზოგადოებრივ წესიერებას, განცდას და სამართალს შორის. ამით სპეკულირება აბსოლუტურად უადგილოა.

არც ერთი კითხვა არ ვიცი, რომელიც არის ჯერეჯრობით პასუხგაუცემელი. მე მგონი ოპოზიციისთვის და თქვენთვისაც უკეთესი იქნება, თუ მეტ ინფორმაციას მიიღებთ უწყების შიდა კონტროლის ეფექტურობასთან დაკავშირებით“,-მიმართა ვოლსკიმ ჟურნალსიტებს.

მონიკა დავლიანიძე