უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
არქივი
სამართალი
მოსამართლე ნაზღაიძის ოჯახმა ნაკვეთის ზვიად ჩოხელზე გადაფორმების პროცესი დაიწყო - ირაკლი აბესაძე
”ევროპული საქართველოს” წევრის, ირაკლი აბესაძის ინფორმაციით, მოსამართლე ნატა ნაზღაიძის ოჯახმა ნაკვეთის გადაფორმების პროცედურა ოფიციალურად დაიწყო. ირაკლი აბესაძის განცხადებით, იგეგმება სანდრო ეულის 5 ნომერში მდებარე ნაკვეთის ზვიად ჩოხელზე გადაფორმება.
როგორც აბესაძემ დღეს გამართულ ბრიფინგზე განმარტა, იმის ნაცვლად, რომ მომხდარიყო უპრეცედენტო კორუფციულ ფაქტზე რეაგირება, განხორციელდა ტრანზაქცია, „რომელიც შექმნის სამართლებრივ პრობლემებს, რათა ვერ მოხერხდეს აღნიშნული კორუფციული გარიგების აღმოფხვრა“.
მისი თქმით, პროცესი ნაზღაიძეებმა დაიწყეს საგამოძიებო უწყების რჩევით, რადგან მისივე განცხადებით მოხდეს სავარაუდო კორუფციული გარიგების გადაფარვა.
,,ბატონი ნაზღაიძე ცდილობს მიწის ნაკვეთი გადააფორმოს ბატონ ჩოხელზე და ამით შემდგომში შექმნას სამართლებრივი პრობლემები იმისათვის, რომ ეს კორუფციული სამართალდარღვევა იქნას აღმოფხვრილი. ქონების გადაფორმების ერთადერთი მიზანი არის, რომ შემდგომში შეიქმნას სამართლებრივი პრობლემები, ამ კორუფციული სამართალდარღვევის აღმოფხვრის გზაზე. სხვა შემთხვევაში არანაირი სამართლებრივი ვალდებულება ჯერ კიდევ ნაზღაიძისთვის მილიონიანი კომპენსაციის გადახდის და ამ ნაკვეთის ჩოხელზე გადაფორმების, არ არსებობდა. ხელშეკრულება გაფორმებულია 10 თებერვალს საჯარო რეესტრში. დღეს დილითაც კი არ იყო დასრულება წარმოება ნაკვეთის გადაფორმების შესახებ. ამიტომ, პროკურატურამ დროულად უნდა შეაჩეროს აღნიშნული ტრანზაქცია და გამოძიების დასრულებამდე არ უნდა მისცეს საშუალება ნაკვეთის გასხვისების.
ხელშეკრულების შესაბამისად, ნათქვამია, რომ თავის დროზე ნაკვეთი ეკუთვნოდა ჩოხელს, შემდგომ ნაზღაიძისთვის ვალის გადაუხდელობის გამო ნაკვეთი გახდა ნაზღაიძის საკუთრება და ახლა თითქოს ნაზღაიძე უკან უფორმებს ნაკვეთს ჩოხელს. ეს აბსოლუტურად არასაინტერესო სამართლებრივი დეტალებია. მთავარია, რომ თუკი პროკურატურა იმოქმედებდა პრინციპულად, გამოძიების დასრულებამდე, მას არ უნდა მიეცეს ნაკვეთის გასხვისების შესაძლებლობა’’, - განაცხადა ირაკლი აბესაძემ.
ნინო ექვთიმიშვილი