სამართალი

მტკიცებულებები გამოძიებამ უნდა დადოს და არა სუს-მა, შსს-მ ან პროკურატურამ - ვახტანგ გომელაური თემირლან მაჩალიკაშვილის საქმეზე

გამოძიებამ უნდა დადოს მტკიცებულებები, მასალები და არა სუს-მა, შსს-მ ან პროკურატურამ, - ასე უპასუხა ჟურნალისტების შეკითხვას სახელმწიფო უსაფრთხოების სამსახურის უფროსმა ვახტანგ გომელაურმა, თუ რა სტადიაზეა თემირლან მაჩალიკაშვილის გარდაცვალების საქმის გამოძიება.

მისივე თქმით, ამ მიმართულებით გამოძიება მიმდინარეობს.

"ყოველთვის თავს ვიკავებთ ამ მიმართულებით განცხადების გაკეთებისგან. დაველოდოთ გამოძიებას. გამოძიებამ უნდა დადოს მტკიცებულებები, მასალები და არა სუს-მა, პროკურატურამ თუ შსს-მ. გამოძიებამ უნდა წარადგინოს მტკიცებულებები", - განაცხადა გომელაურმა.

მისი თქმით, გამოძიება დროში შეზღუდული არ არის, თუმცა ამაზე თავად ვერ ისაუბრებს, რადგან საქმეს პროკურატურა იძიებს.