პოლიტიკა

მცოცავი ოკუპაცია არის ყველაზე მტკივნეული საკითხი, რაც კი შეიძლება აწუხებდეს ჩვენს სახელმწიფოს და საზოგადოებას - ირაკლი კობახიძე

მცოცავი ოკუპაცია არის ყველაზე მტკივნეული საკითხი, რაც კი შეიძლება აწუხებდეს ჩვენს სახელმწიფოს და საზოგადოებას,- განაცხადა პარლამენტის თავმჯდომარემ, ირაკლი კობახიძემ რუსეთის მიერ ოკუპაციის ხაზთან ბანერების გადმოწევის საკითხის კომენტირებისას.

„აქედან გამომდინარე როგორც მთავრობა, ისე პარლამენტი, რა თქმა უნდა, მოწოდებულია, რომ მაქსიმუმი გააკეთოს მცოცავი ოკუპაციის შესაჩერებლად. ამისათვის პირველ რიგში ყველა საერთაშორისო ფორმატი და მექანიზმი გამოიყენება. ჩვენ გვაქვს ინტენსიური საუბრები, დისკუსიები ჩვენ დასავლელ პარტნიორებთან და ამ ფორმატში იმედი გვაქვს, რომ მიღწეული იქნება პროგრესი“,- განაცხადა კობახიძემ.

ნინო ექვთიმიშვილი