პოლიტიკა

ნატოს კარი ღიაა იმ ქვეყნებისთვის,რომლებიც რეფორმებს ატარებენ - იენს სტოლტენბერგი

ნატოს გენერალრუი მდივნის, იენსსტოლტენბერგის განცხადებით, ნატოს კარი იმ ქვეყნებისთვის არის, რომლებიც რეფორმებს ატარებენ.

როგორც სტოლტენბერგმა ნატოს შტაბ-ბინაში, ალიანსის 29 წევრის, მონტენეგროს დროშის აღმართვის შემდეგ აღნიშნა, ალიანსს საქართველოსთან აქტიური პოლიტიკური დიალოგი და პრაქტიკული თანამშრომლობა აკავშირებს, რაც ხელს უწყობს მის წინსვლას ნატოში ინტეგრაციისთვის.

„მონტენეგრო ნატოს 29 წევრი გახდა. ეს ფაქტი აჩვენებს, რომ ნატოს კარი ღიაა. აჩვენებს იმასაც, რომ იმ ქვეყნებსაც შეუძლიათ გაწევრიანება, რომლებიც ატარებენ რეფორმებს, ახდენენ თავდაცვისა და უსაფრთხოების სტრუქტურების მოდერნიზებას, იცავენ კანონის უზენაესობას და აძლიერებენ დემოკრატიულ ინსტიტუტებს. ჩვენ გავაგრძელებთ საქართველოსთან მუშაობას. ვასრულებთ არსებით პაკეტს, გვაქვს წვრთნისა და შეფასების ცენტრი. ცოტა ხნის წინ, ნატოს საპარლამენტო ასამბლეის წევრები იმყოფებოდნენ თბილისში. ასე რომ, აქტიური პოლიტიკური დიალოგი და პრაქტიკული თანამშრომლობა გვაკავშირებს, რაც ხელს უწყობს საქართველოს წინსვლას ნატოში ინტეგრაციისთვის“,-აღნიშნა სტოლტენბერგმა, რომლის განცხადების თარგმანს რუსთავი2 ავრცელებს.

მონიკა დავლიანიძე