უკან
არქივი
კონფლიქტის ზონა
3 აპრილი, 2018 11:10
ოკუპირებულ აფხაზეთში რუსეთის შეიარაღებული ძალები სამხედრო წვრთნას გადის
ოკუპირებულ აფხაზეთში დე-ფაქტო რესპუბლიკის შეიარაღებული ძალებისა და რუსეთის შეიარაღებული ძალების 49-ე შენაერთის ერთობლივი სამხედრო წვრთნები მიმდინარეობს. აფხაზეთის დე-ფაქტო თავდაცვის სამინისტროს ცნობით, მანევრები 15 აპრილამდე გასტანს.
„აღნიშნული სწავლება არის აფხაზეთისა და რუსეთის შეიარაღებული ძალების ერთობლივი მომზადების ეტაპი, რომლის ფარგლებში „თანამშრომლობისა და სტრატეგიული პარტნიორობის შესახებ“ შეთანხმების საკითხები პრაქტიკულად განხორციელდება“, - წერია განცხადებაში.
აფხაზურმა მხარემ ასევე წვრთნებში ჩართო ძალოვანი სტრუქტურების ოპერატიული ჯგუფები.