სამართალი
ოთარ აბესაძეს ხვალ სამხარაულის სასამართლო ექსპერტიზის ბიუროში გადაიყვანენ
ქრთამის აღებაში ბრალდებულ თბილისის მერიის ყოფილ თანამშრომელს ოთარ აბესაძეს ხვალ სამხარაულის სასამართლო ექსპერტიზის ბიუროში გადაიყვანენ.
მოსამართლის განცხადებით, ბრალდებულს ორი კვირის განმავლობაში გამოკვლევები ჩაუტარდება.
შესაბამისი გადაწყვეტილება დღევანდელ სასამართლო სხდომაზე მოსამართლემ ადვოკატის მოთხოვნის საფუძველზე მიიღო.
აბესაძის ინტერესების დამცველმა, ირმა ჭკადუამ მოსამართლეს ოთარ აბესაძის ჯანმრთელობის მდგომარეობის შესახებ დასკვნა გააცნო.
ადვოკატის განცხადებით, ეს დასკვნა აღკვეთის ღონისძიების შეცვლის საფუძველი უნდა გახდეს.
საქალაქო სასამართლოში თბილისი მერიის ყოფილი თანამშრომლის ოთარ აბესაძის პროცესი დღეს განახლდა. პროცესის დაწყებამდე ბრალდებულმა განაცხადა, რომ მას გამზრდელი ბაბუა გარდაეცვალა და ამის გამო არაადეკვატურია. მან სასამართლო სხდომის გადადება ითხოვა.
ნინო ექვთიმიშვილი