უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
სამართალი
ოთარ კახიძე ვანო მერაბიშვილის საკნიდან შესაძლო გაყვანის საქმეზე საგამოძიებო კომისიის შექმნას ითხოვს
„ევროპული საქართველოს“ წევრის, ოთარ კახიძის განცხადებით, ყოფილი პრემიერის, ვანო მერაბიშვილის საკნიდან შესაძლო გაყვანასთან დაკავშირებით პარლამენტში საგამოძიებო კომისია უნდა შეიქმნას, მას შემდეგ, რაც სასჯელაღსრულების ყოფილმა თანამშრომელმა, ირაკლი კორძაიამ გადაცემა „განსხვავებული აქცენტების“ ეთერში ამ საქმეზე ისაუბრა.
შესაბამისი განცხადება ოთარ კახიძემ ბიუროს სხდომაზე გააკეთა.
„თქვენმა ყოფილმა თანაგუნდელმა, რომელიც მუშაობდა სასჯელაღსრულების სამინისტროში, ბატონმა კორძაიამ გააკეთა ძალიან საინტერესო განცხადება ვანო მერაბიშვილის საკნიდან გაყვანასთან დაკავშირებით. ამ საკითხზე გამოძიება დაასრულა პროკურატურამ თებერვალში და გამოძიება შეწყდა დანაშაულის ნიშნების არარსებობის გამო. ამის შემდეგ ჩვენ გვაქვს ახლად გამოვლენილი გარემოება და ამის მიუხედავად, პროკურატურაში გამოძიება არ განახლებულა. მინდა ბიუროს წევრებს გთხოვოთ, რომ განსაკუთრებული ყურადღებით მივეპყროთ ამ გარემოებას, ვინაიდან საგამოძიებო კომისიები იქმნება იმ შემთხვევაში, როდესაც არსებობს გარკვეული კითხვები იმ უწყებებთან, რომლებსაც რეალურად ევალებათ გამოძიების ობიექტურად ჩატარება” - განაცხადა ოთარ კახიძემ.
თავის მხრივ, საპარლამენტო უმრავლესობის წევრი, ეკა ბესელია ფიქრობს, რომ მერაბიშვილის საქმესთან დაკავშირებით საგამოძიებო კომისიის შექმნა მიზანშეწონილი არ არის.
„მესმის ეს, რასაც უკავშირდება, შინაარსში არ შევდივარ, რას გავდა და რა დატვირთვას ატარებდა ეს გამოსვლა, ამ სივრცეში აღარ გადავდივარ, მაგრამ წმინდა სამართლებრივი თვალსაზრისით, ეს განცხადება არის სრულიად არარელევანტური ახლა ბიუროს სხდომაზე. ვერაფერს ვერ გააკეთებს ვერც ბიურო და პარლამენტი. ჩვენ არ გვაქვს უფლება, კონკრეტული საქმეების გამოძიების დაწყების ან არდაწყების თაობაზე, მივმართოთ პროკურატურას,“ - განაცხადა ეკა ბესელიამ.
ოთარ კახიძემ კი ეკა ბესელიას განუმარტა, რომ ის საპარლამენტო კომისიის შექმნას ითხოვს და არა პროკურატურისთვის მიმართვას.
ცნობისათვის, სასჯელაღსრულებისა და პრობაციის სამინისტროს ყოფილი მაღალჩინოსანი, ირაკლი კორძაია, ვანო მერაბიშვილის ციხიდან გაყვანის შესახებ ,,განსხვავებული აქცენტების“ ეთერში ისაუბრა.
„ვიცი, რომ ვანო მერაბიშვილი ნამდვილად იქნა გაყვანილი საპატიმროდან, ზუსტად 14 დეკემბერს 2014 წლის და ვიცი, თუ ვინ მონაწილეობდა ამ გაყვანაში, ეს ადამიანები. ერთ-ერთი იყო ბატონი მთავარი პროკურორი ქვეყნის და მეორე იყო, ბატონი დარბაისელი, რომელიც უშუალოდ ხელმძღვანელობდა მაშინ სასჯელაღსრულების დეპარტამენტს, და ეს ორი ადამიანი იყო უშუალო შემსრულებელი,“ - განაცხადა ირაკლი კორძაიამ.
ნინო ექვთიმიშვილი