უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
სამართალი
პარლამენტის იურიდიულ საკითხთა კომიტეტმა იუსტიციის უმაღლესი საბჭოს წევრობის კანდიდატს საუბუთები დაუწუნა
პარლამენტის იურიდიულ საკითხთა კომიტეტმა იუსტიციის უმაღლესი საბჭოს ერთი წევრის ასარჩევ კონკურსში წარდგენილი ექვსი კანდიდატურა განიხილა. კომიტეტმა დაადგინა, რომ ხუთი კანდიდატის: იგორ კოპალიანის, ამირან ზენაიშვილის, შოთა ქადაგიძის, ცისმარი ონიანის და მარიამ ცისკაძის საბუთები შეესაბამება პარლამენტის რეგლამენტით დადგენილ მოთხოვნებს, ხოლო გრიგოლ გაგნიძის საბუთები არ შეესაბამება აღნიშნულ მოთხოვნებს.
იგორ კოპალიანის კანდიდატურა წარდგენილია ა(ა)იპ „ადამიანის უფლებები საზღვრების გარეშეს“ და „საზოგადოებრივი პროგრამების ფონდის“ მიერ, ამირან ზენაიშვილის კანდიდატურა საქართველოს ადვოკატთა ასოციაციისა და კავკასიის საერთაშორისო უნივერსიტეტის მიერ, შოთა ქადაგიძის კანდიდატურა ა(ა)იპ „საზოგადოებრივი დამცველისა“ და ა(ა)იპ „ახალგაზრდა ადვოკატების“ მიერ, ცისმარი ონიანის კანდიდატურა საქართველოს ადვოკატთა ასოციაციის მიერ, მარიამ ცისკაძის კანდიდატურა შპს „ევროპის სასწავლო უნივერსიტეტის“ მიერ, ხოლო გრიგოლ გაგნიძის კანდიდატურა ა(ა)იპ „ადვოკატთა და იურისტთა საერთაშორისო ობსერვატორიის“ მიერ.
იურიდიულ საკითხთა კომიტეტი კანდიდატების სიას სათანადო საბუთებთან ერთად წარუდგენს პარლამენტის ბიუროს. პარლამენტის ბიურო კანდიდატთა სიას და თანდართულ საბუთებს დაუყოვნებლივ გადასცემს ფრაქციებს.
პარლამენტი ფრაქციათა მიერ განხილვის ვადის დასრულებიდან უახლოეს პლენარულ სხდომაზე ჩაატარებს კენჭისყრას საქართველოს იუსტიციის უმაღლესი საბჭოს წევრების ასარჩევად. კანდიდატებს კენჭი ცალ-ცალკე ეყრებათ. კენჭისყრის დაწყებამდე, პარლამენტის იურიდიულ საკითხთა კომიტეტის წარმომადგენელი პარლამენტს წარდგენილ კანდიდატთა მონაცემებს გააცნობს.
იუსტიციის უმაღლესი საბჭოს ერთი წევრის თანამდებობაზე კონკურსი საქართველოს პარლამენტის თავმჯდომარემ, ირაკლი კობახიძემ 30 დეკემბერს გამოაცხადა. კანონმდებლობით, კანდიდატების შერჩევა ხდება საქართველოს უმაღლეს საგანმანათლებლო დაწესებულებებში მოღვაწე პროფესორებისა და მკვლევრებისაგან, საქართველოს ადვოკატთა ასოციაციის წევრებისაგან ან/და საქართველოს არასამეწარმეო (არაკომერციული) იურიდიული პირების მიერ წარდგენილი პირებისაგან, შესაბამისი ორგანიზაციის კოლეგიური ხელმძღვანელი ორგანოს წარდგინების საფუძველზე.
თითოეული ზემოთ ჩამოთვლილი ორგანიზაცია უფლებამოსილი იყო 2016 წლის 30 დეკემბრიდან 2017 წლის 13 იანვრის ჩათვლით საქართველოს პარლამენტისთვის წარედგინა საბჭოს წევრობის არაუმეტეს სამი კანდიდატურა.
სხდომის დასასრულს, იურიდიულ საკითხთა კომიტეტის თავმჯდომარემ, ეკა ბესელიამ კომიტეტის წევრებს ოპოზიციური ფრაქციებიდან კიდევ ერთხელ მოუწოდა, რომ მათ, „სურვილის შემთხვევაში, ყოველგვარი დაბრკოლების გარეშე“ შეუძლიათ ჩაერთონ იურიდიულ საკითხთა კომიტეტის ფარგლებში, ფარული საგამოძიებო მოქმედებების თაობაზე კანონპროექტების შემმუშავებელი სამუშაო ჯგუფის მუშაობაში. მისივე თქმით, განცხადება ამის შესახებ კომიტეტის ერთ-ერთ წინა სხდომაზე უკვე გაკეთდა და ოპოზიციონერი დეპუტატების განცხადებები თითქოს მათთვის არავის შეუთავაზებია სამუშაო ჯგუფში გაწევრიანება, სიმართლეს არ შეესაბამება.