მსოფლიო

პროკურატურა სააკაშვილის საქმეზე მიღებულ გადაწყვეტილებას გაასაჩივრებს

უკრაინის გენერალური პროკურორის, იური ლუცენკოს განცხადებით, პროკურატურა გაასაჩივრებს სააპელაციო სასამართლოში კიევის პეჩერსკის რაიონული სასამართლოს გადაწყვეტილებას, რომლის მიხედვით მიხეილ სააკაშვილი გაათავისუფლეს.

მისი თქმით, ის არ ეთანხმება სასამართლოს გადაწყვეტილებას, რადგან საქართველოს ყოფილი პრეზიდენტისა და ოდესის ექს-გუბერნატორის წინააღმდეგ მტკიცებულებები აქვს.

ლუცენკომ აღნიშნა, რომ სააკაშვილის საქმის გამო მასზე ზეწოლა გაძლიერდა.

გუშინ კიევის პეჩერსკის რაიონულმა სასამართლომ არ დააკმაყოფილა პროკურატურის მოთხოვნა მიხეილ სააკაშვილისთვის შინაპატიმრობის შეფარდების შესახებ.

მომდევნო სასამართლო სხდომა 14 დეკემბერს გაიმართება.

პროკურატურამ სასამართლოს შუამდგომლობით მიმართა სააკაშვილისთვის აღკვეთი ღონისძიების სახით 2-თვიანი შინაპატიმრობის შეფარდების შესახებ.

მიხეილ სააკაშვილი კიევში 8 დეკემბერს დააკავეს უკრაინის ნაციონალური პოლიციის ერთ-ერთი დეპარტამენტის ხელმძღვანელის ბინაში.

ანა მებურიშვილი