მსოფლიო

ქაბულში მომხდარი აფეთქების შედეგად ირანის ელჩი დაშავდა

ავღანეთში ირანის ელჩი, გერმანიისა და ირანის საელჩოებთან მომხდარი ძლიერი აფეთქების შედეგად, დაშავდა.

ამის შესახებ Haqqin.az ირანის გაზეთ „იატიმადზე“ დაყრდნობით წერს.

„ირანის ელჩი, მოჰამათ რედა ბარხამი, დაშავდა. მნიშვნელოვნად დაზიანდა საელჩოს შენობა“,- წერს ირანული გაზეთი.

გამოცემა აღნიშნავს, რომ დანარჩენი დიპლომატები და საელჩოს თანამშრომლები თავს კარგად გრძნობენ.

ბოლო მონაცემით, დღეს მომხდარი აფეთქების შედეგად 80 ადამიანი დაიღუპა და 350-ზე მეტი დაშავდა.

მონიკა დავლიანიძე