უკან
სამართალი
21 თებერვალი, 2018 11:10
როსტომაშვილის თავდასხმაზე ერთ-ერთმა ბრალდებულმა ბექა კირვალიძემ შიმშილობა დაიწყო
ბექა კირვალიძემ, რომელიც დავით როსტომაშვილის თავდასხმაზე ერთ-ერთი ბრალდებულია, შიმშილობა დაიწყო. ამის შესახებ კირვალიძის დედამ განაცხადა.
ბექა კირვალიძის დედა დახმარებისთვის და სიმართლის დამტკიცებისთვის სახალხო დამცველსაც მიმართავს და ამბობს, რომ ყაჩაღობა არ მომხდარა. დაკავებულის ოჯახის წევრები ამბობენ, კირვალიძე როსტომაშვილს პირადი შურისძიების მოტივით გაუსწორდა, რაც ვიდეო კადრებმაც დაადასტურა.
საქმეზე დაკავებული კიდევ 2 პირი ცემის ფაქტს საერთოდ არ აღიარებენ.
2017 წლის 14 ივნისს, იუმორისტ დავით როსტომაშვილზე თავდასხმის საქმეზე პასუხისგებაში მიეცა სამი პირი - ბექა კირვალიძე, ზურაბ ქუთელია და არტემ აგაჯანოვი. მათ ბრალად, დაყაჩაღების მიზნით, მსახიობზე თავდასხმა ედებათ.