უახლესი ამბები
არქივი
კომენტარი
როტაციის პრინციპით შავ ზღვაში ნატო-ს ხომალდების შემოსვლა რუსეთის აგრესიის შემაკავებელი იქნება - თორნიკე შარაშენიძე
ექსპერტი თორნიკე შარაშენიძე მიიჩნევს, რომ თუ როტაციის პრინციპით შავ ზღვაში ნატო-ს ხომალდი შევა, ეს რუსეთის აგრესიის წინააღმდეგ შემაკავებელი ფაქტორი იქნება.
ამის შესახებ შარაშენიძემ ნატო-ს გენერალური მდივნის მიერ გაკეთებული განცხადების კომენტირებისას განაცხადა.
„ჩვენი დაცვა შესაძლებელია, ალბათ, მხოლოდ და მხოლოდ შავი ზღვიდან. ჩვენ ისეთ სიტუაციაში ვართ, რომ ახლა ხმელეთიდან ჩვენი დაცვა პრაქტიკულად შეუძლებელია. გავიხსენოთ ომი. ომის დროს, როდესაც შემოვიდა ამერიკული სამხედრო ხომალდი შავ ზღვაში, მხოლოდ ამის შემდეგ შეჩერდა რუსული არმია. თუკი ნატო ნელ -ნელა მიხედავს შავ ზღვას, შავ ზღვაში თუ იქნება როტაციის პრინციპით ხშირად, ანუ შემოვა ნატო-ს ხომალდები, ეს იქნება ყველაზე უფრო სერიოზული შემაკავებელი რუსეთის აგრესიის წინააღმდეგ“,-აღნიშნა შარაშენიძემ.
შეგახსენებთ, რომ ნატო-ს გენერალური მდივნის იენს სტოლტენბერგის განცხადებით, შავი ზღვის რეგიონში ნატო-ს კონტინგენტის გაძლიერებაზე შეთანხმება მიღწეულია.
მისი თქმით, 6 ქვეყნის მონაწილეობით გაიზრდება ალიანსის სახმელთო, საზღვაო და საჰაერო ძალების კონტინგენტი.
მონიკა დავლიანიძე