უკან

უახლესი ამბები

დღის კალენდარი

ანონსები

არქივი

სამართალი

9 მარტი, 2017 15:00
font-size

როცა მანიფესტაციის მესიჯი კრიტიკულია ხელისუფლების მიმართ, მაშინ ხდება მასში ჩარევა - ანა ნაცვლიშვილი

„საქართველოს ახალგაზრდა იურისტთა ასოციაციამ“ წარადგინა კვლევა „სამართალდარღვევად მიჩნეული პროტესტი, სადაც განხილულია მანიფესტაციის დროს სამართალდამცავების ჩარევის ფაქტები. კვლევა მოიცავს 2015-2016 წლებში გამართულ აქციებს, რომლებიც 9 ეპიზოდადაა დაყოფილი, მაგალითად, იქ შესულია პარტიზანი მებაღეების, თავისუფალი ზონის, „ნაციონალური მოძრაობის“ წარმომადგენლებისა და „აუდიტორია 115“-ის წევრების დაკავების ფაქტები.

საიას თავმჯდომარის ანა ნაცვლიშვილის განცხადებით, პოლიცია ძირითადად მაშინ ერევა აქციაში, თუკი ის ხელისუფლების კრიტიკისკენაა მიმართული.

„ჩვენთვის პრიორიტეტული იყო ამ საკითხზე კვლევის გაკეთება, ვინაიდან ჩვენ შევამჩნიეთ, რომ ადგილი არ ჰქონდა პატარა გადაცდომებს ან ცალკეულ შემთხვევებს. ჩვენ დავინახეთ, რომ განსაკუთრებით იმ შემთხვევებში, როცა შეკრებისა და მანიფესტაციის მესიჯი იყო კრიტიკულად განწყობილი ხელისუფლებისა და ცალკეული ადამიანების მიმართ, მაშინ ხდებოდა საქართველოს ადმინისტრაციული სამართალდარღვევათა კოდექსის არასწორი გამოყენება და მანიფესტანტების უფლებების შელახვა“, - განაცხადა ნაცვლიშვილმა.

ნაცვლიშვილის თქმით, ყველაზე ხშირად შეკრებისა და მანიფესტაციისა და სიტყვისა და გამოხატვის უფლებების ხელყოფისთვის იყენებენ ადმინისტრაციულ სამართალდარღვევათა კოდექსს, რომელიც „არის მოძველებული“.

კვლევის თანახმად, ყველაზე ხშირად წაყენებული მუხლებია აქციებისა და მანიფესტაციების მონაწილეების მიმართ არის წვრილმანი ხულიგნობა და პოლიციის კანონიერი მოთხოვნისადმი წინააღმდეგობის გაწევა. გარდა ამისა, ნახსენებია 2016 წლის შემთხვევა, როცა სასამართლომ არასწორი განმარტება გააკეთა შეკრების ადგილთან დაკავშირებით.

კვლევას ერთვის რეკომენდაციები. ერთ-ერთი ინიციატივის თანახმად, პოლიციამ და სასამართლომ არ უნდა გამოიყენოს ადმინისტრაციული სამართალდარღვევათა კოდექსი შეკრების მონაწილეთა უფლებების შესაზღუდებლად, სანამ ამ კუთხით რეფორმა არ ჩატარდება.

კვლევაში შესულია 38 პირის ადმინისტრაციული სამართალდარღვევათა საქმე.

ანა მებურიშვილი


საკვანძო სიტყვები:

ზუგდიდის საავადმყოფოში შეყვანილი ათი ბავშვის საქმეზე შსს-მ გამოძიება ტრეფიკინგის მუხლით დაიწყო

20 აპრილი, 2019 , 15:54

ზუგდიდის საავადმყოფოში ინტოქსიკაციის ნიშნებით შეყვანილი ათი ბავშვის საქმეზე შსს-მ გამოძიება ტრეფიკინგის მუხლით დაიწყო. საგამოძიებო უწყების ინფორმაციით, უკრაინის მოქალაქე, რომელიც ზუგდიდში ერთ-ერთ ბინაში 10 ბავშვთან ერთად

„ლიბერთი ბანკის“ დაყაჩაღების ფაქტზე სამი პირია დაკავებული

20 აპრილი, 2019 , 13:26

შინაგან საქმეთა სამინისტრომ „ლიბერთი ბანკის“ დაყაჩაღების ფაქტზე სამი პირი დააკავა. ამის შესახებ დღეს გამართულ ბრიფინგზე შს მინისტრისპირველმა მოადგილემ კახა საბანაძემ განაცხადა. მისი თქმით, მიმდინარე წლის 19 ა

სამართალდამცველებმა ნარკოდანაშაულისთვის ორი პირი დააკავეს

20 აპრილი, 2019 , 11:30

შინაგან საქმეთა სამინისტროს თბილისის პოლიციის დეპარტამენტის საგამოძიებო სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, დიდი ოდენობით ნარკოტიკული საშუალების უკანონო შეძენა-შენახვის ბრა

სახელმწიფო შესყიდვების პროცესში არსებული კანონსაწინააღმდეგო ქმედებებისთვის 6 პირი პასუხისგებაში მისცა

20 აპრილი, 2019 , 11:30

დასავლეთ საქართველოს საოლქო პროკურატურის საგამოძიებო ნაწილმა, სახელმწიფო აუდიტის სამსახურის მიერ მოწოდებული დასკვნის გათვალისწინებით, ვანის მუნიციპალიტეტის გამგეობის მიერ, 2015 წლის მანძილზე გამარტივებული შესყიდვით გაფორ

პოლიციამ ბათუმში სწრაფი ჩარიცხვის აპარატის გაქურდვის ფაქტი აღკვეთა

20 აპრილი, 2019 , 11:30

შინაგან საქმეთა სამინისტროს აჭარის პოლიციის დეპარტამენტის ბათუმის საქალაქო სამმართველოს თანამშრომლებმა, სწრაფი ჩარიცხვის აპარატის გაქურდვის მცდელობის ბრალდებით, 1989 წელს დაბადებული ლ.შ. დააკავეს. დანაშაული 3-დან 5 წლამდ

ირანის მოქალაქეებისთვის საქართველოში შემოსვლაზე უარის თქმის ფაქტები გაიზარდა

19 აპრილი, 2019 , 13:30

საქართველოში ირანიდან მარტში 1815 პირი არ შემოუშვეს, რაც წინა თვეების მაჩვენებელზე სამჯერ მეტია. კერძოდ, ქვეყანაში შემოსვლაზე უარი იანვარში ირანის 576 მოქალაქეს ეთქვა, თებერვალში 564 მოქალაქეს. 2018 წელს, 12 თვის განმავლ

ვიდეო გალერეა

ნატო ჩხეიძე ინგა გრიგოლიასთან `რეაქციაში` - 07.03.2019