პოლიტიკა
რუსეთს ვუწოდეთ ოკუპანტი და როცა ოკუპანტი ხარ, შენი წილი პასუხისმგებლობა გაკისრია - იან კელი
საქართველოში აშშ-ის ელჩმა, იან კელიმ განაცხადა, რომ ვაშინგტონი მხარს უჭერს საქართველოს ძალისხმევას ცხინვალის რეგიონში დაღუპული არჩილ ტატუნაშვილის ცხედრის დასაბრუნებლად.
„ჩვენ არ ვაღიარებთ ახალ საზღვრებს და არ ვაღიარებთ საქართველოს ორ რეგიონს დამოუკიდებლად. ჩვენ ვუწოდეთ რუსეთს ოკუპანტი და შესაბამისად, როდესაც ხარ ოკუპანტი, შენი წილი პასუხისმგებლობა გაკისრია.
საერთაშორისო სამართლის მიხედვით, არ არსებობს არანაირი მიზეზი, რის გამოც შესაძლოა, ცხედარი გააჩერონ და არ დაუბრუნონ თავიანთ მშობლებს.
ჩვენ საქართველოს მთავრობას მხარს ვუჭერთ მის ყველა ძალისხმევაში, გადაჭრას ეს საკითხი. უკვე შედგა საუბარი სახელმწიფო მდივნის მოადგილეს და საქართველოს პრემიერ-მინისტრს შორის, სადაც ხაზი გაესვა ამერიკის შეერთებული შტატების მხარდაჭერას საქართველოსადმი“, - განაცხადა კელიმ.
მან დაამატა, რომ აშშ-ს აქვს კონტაქტიო რუსეთთან ამ საკითხზე.