პოლიტიკა

საქართველო ნატოს ივლისის სამიტზე დაპატიჟებულია - იენს სტოლტენბერგი

ჩრდილოატლანტიკური ალიანსის გენერალური მდივნის, იენს სტოლტენბერგის განცხადებით, საქართველო დაპატიჟებულია ნატოს ივლისის სამიტზე. ამის შესახებ მან პირველ არხს განუცხადა.

„ივლისში ბრიუსელში დაგეგმილ ნატოს სამიტის დეტალურ გეგმაზე ჯერ არ შევთანხმებულვართ, მაგრამ უკვე შემიძლია გითხრათ, რომ საქართველოს დავპატიჟებთ ნატოს სამიტზე. შედგება მტკიცე მხარდაჭერის მისიაში მონაწილე ქვეყნებთან შეხვედრა და მიპატიჟებას საქართველო მიიღებს.

სხვა რა ფორმატებით შედგება შეხვედრა პარტნიორ საქართველოსთან, ამაზე საუბარი ჯერ ნაადრევია“, – განაცხადა სტოლტენბერგმა.