პოლიტიკა

საქართველოს გაერთიანების საკითხი ჩვენთვის უპირველესია - ადა მარშანია

,,პატრიოტთა ალიანსის’’ წევრებმა მოსკოვში ვიზიტი შეაჯამეს.

როგორც დღევანდელ ბრიფინგზე პარლამენტის ფრაქცია ,,საქართველოს პატრიოტების“ წევრმა, ადა მარშანიამ განაცხადა, რუსეთის სათათბიროს წევრებთან გამართულ შეხვედრაზე საუბარი შეეხო ოკუპირებული სოხუმისა და ცხინვალის საკითხებს.

,,დავაფიქსირეთ, რომ უნდა ვიმოქმედოთ, რათა ქართველები ჩადიოდნენ სოხუმშიც და ცხინვალშიც, აფხაზები და ოსები კი, ჩადიოდნენ თბილისში. ასევე, კვლავ წამოვწიეთ საფლავების მონახულების საკითხი.

ყოველი ჩვენი სიტყვა ცხადყოფდა, რომ საქართველოს გაერთიანების საკითხი ჩვენთვის უპირველესია.

ცხადია, ჩვენ წამოვწიეთ სოხუმისა და ცხინვალის აღიარებისა და სტატუსის თემა, რასაც მოჰყვა ხანმოკლე მსჯელობა. ეს ინფორმაცია კონფიდენციალურია, მაგრამ შესაბამისი სახელმწიფო სტრუქტურები და საელჩოები მიიღებენ სრულ ინფორმაციას“, - განაცხადა ადა მარშანიამ.

ნინო ექვთიმიშვილი