უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
საქართველოს ტერიტორიული მთლიანობის ხელყოფის არცერთი ფაქტი რეაგირების გარეშე არ უნდა დარჩეს - პრეზიდენტი
საქართველოს პრეზიდენტმა, გიორგი მარგველაშვილმა მცოცავი ოკუპაციის გაგრძელებად შეაფასა ცხინვალის დე-ფაქტო ხელისუფლების გადაწყვეტილება საოკუპაციო ხაზთან ხანძარსაწინაარმდეგო ხნულების გავლების შესახებ. აღნიშნული განცხადება პრეზიდენტის ადმინისტრაციამ გაავრცელა.
პრეზიდენტმა საერთაშორისო საზოგადოებას რეაგირებისკენ მოუწოდა.
„ოკუპანტი ძალის ქმედებები - ბორდერიზაცია, მცოცავი ოკუპაცია და ოკუპირებული ტერიტორიების მილიტარიზაცია ძაბავს ვითარებას და პრობლემას უქმნის რეგიონში სტაბილურობას.
საქართველოს ტერიტორიული მთლიანობის ხელყოფის არცერთი ფაქტი რეაგირების გარეშე არ უნდა დარჩეს და მტკიცედ უნდა დაიგმოს, რათა შეჩერდეს მცოცავი ოკუპაცია.
ქართველი ხალხი არასდროს შეეჩვევა და შეეგუება ამ ისტორიულ უსამართლობას - საქართველოს ოკუპაციას“, - წერია პრეზიდენტის განცხადებაში.
1-ელ აგვისტოს სამხრეთ ოსეთის დე-ფაქტო რესპუბლიკის სახელმწიფო უშიშროების საბჭომ მიიღო გადაწყვეტილება სოფელ არცევთან ხანძარსაწინააღმდეგო ხნულების გავლების შესახებ. ფეისბუკპოსტის თანახმად, სამუშაოები დღეიდან დაიწყება და 18 აგვისტომდე გასტანს. სამხრეთ ოსეთის დე-ფაქტო უშიშროების საბჭოს თქმით, ხნულების გავლება პროფილაქტიკურ ხასიათს ატარებს.
ანა მებურიშვილი