უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
სამართალი
საქმის არსებითი განხილვის დასრულების შემდეგ გურამ რჩეულიშვილი საპატიმროში დაბრუნდება - დავით გუმბერიძე
სამშენებლო კომპანია ცენტრ პოინტის საქმის პროკურორის, დავით გუმბერიძის განმარტებით, ბრალდების მხარემ დღევანდელ პროცესზე გურამ რჩეულიშვილისთვის პასპორტის ჩამორთმევის შუამდგომლობით იმიტომ მიმართა, რომ იგი სასამართლოს არ მიემალოს.
ამის შესახებ გუმბერიძემ დღევანდელი პროცესის დასრულების შემდეგ მედიას განუცხადა.
„ბრალდების მხარემ დღევანდელ სასამართლო პროცესზე დავაყენეთ შუამდგომლობა გირაოს გამოყენების თაობაზე, და ასევე პარსპორტის ჩამორთმევის შესახებ. გამომდინარე იქიდან, რომ ეს იქნება ბერკეტი ბრალდებულის სათანადო ქცევის უზრუნველსაყოფად, რათა ის სასამართლოს არ მიემალოს“,-განმარტა პროკურორმა.
მისი თქმით, დაცვის მხარე მთელი 7 თვის განმავლობაში პროცესს ხელოვნურად წელავდა, ხან რჩეულიშვილის და ხან მისი ადვოკატის ჯანმრთელობის მდგომარეობას იმიზეზებდა.
„ჩვენ მიგვაჩნია,რომ სულ მალე უნდა დასრულდეს სასამართლო პროცესის განხილვა, მიუხედავად იმისა, რომ დაცვის მხარე მთელი შვიდი თვის განმავლობაში უსაფუძვლოდ გადადებდა პროცესებს, იყო მიზეზები ჯანმრთელობის მდგომარეობა, ცალკე ბრალდებულების და ცალკე ადვოკატების. ყველაფერი ეს იყო ხელოვნურად შექმნილი მიზეზები რათა პროცესი გაჭიანურებულიყო“,- აღნიშნა დავით გუმბერიძემ.
პროკურორმა აღნიშნა, რომ ბრალდების მხარეს მიაჩნია, რომ საქმის არსებითი განხილვის დასრულების შემდეგ, გურამ რჩეულიშვილი საპატიმროში დაბრუნდება.
„თუმცა ბრალდების მხარეს მიაჩნია, რომ რამდენიმე დღეში დასრულდება საქმის არსებითი განხილვა და გურამ რჩეულიშვილი დაუბრუნდება იმ ადგილს სადაც ცხრათვიანი პატიმრობის ვადა გაატარა, რადგან დადგება მის მიმართ გამამტყუნებელი განაჩენი“,-აღნიშნა პროკურორმა.
დღეს, თბილისის საქალაქო სასამართლომ გურამ რჩეულიშვილს პატიმრობის აღკეთის ღონისძიება, 30 ათას ლარიანი გირაოთი შეუცვალა.
გარდა ამისა, „ბათუმის მაგნოლიის“ ეპიზოდზე ბრალდებულს პასპორტი ჩამოერთვა.
მონიკა დავლიანიძე