უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
არქივი
სამართალი
სასამართლომ ბექა წიქარიშვილი დამნაშავედ ცნო და სასჯელის სახით 2000-ლარიანი ჯარიმის გადახდა დააკისრა
სასამართლომ მოძრაობა “თეთრი ხმაურის” დამფუძნებელი ბექა წიქარიშვილი დამნაშავედ ცნო და სასჯელის სახით 2000-ლარიანი ჯარიმა დააკისრა.
ბექა წიქარიშვილს სამართალდამცველები ნარკოტიკული საშუალების უკანონო შეძენა-შენახვას ედავებოდნენ.
ბექა წიქარიშვილი პოლიციამ 2013 წლის ზაფხულში დააკავა. საცხოვრებელი ადგილის ჩხრეკის შედეგად მას 70 გრამამდე მარიხუანა აღმოაჩნდა. იმ პერიოდში მოქმედი სისხლის სამართლის კოდექსის 260-ე მუხლის მე-2 ნაწილის „ა“ პუნქტის შესაბამისად, დაკავებულის წინააღმდეგ დაიწყო დევნა ნარკოტიკული საშუალების შეძენა-შენახვისთვის. ქმედება სასჯელის სახით ითვალისწინებდა თავისუფლების აღკვეთას 7-დან 14 წლამდე.
თუმცა 2015 წლის 24 ოქტომბერს საქართველოს საკონსტიტუციო სასამართლომ საქმეზე პრეცედენტული გადაწყვეტილება გამოიტანა და აღნიშნული ქმედებისთვის თავისუფლების აღკვეთა არაკონსტიტუციურად ცნო.
კანონის ახალი რედაქციით, 5 გრამიდან 70 გრამამდე მარიხუანის პირადი მოხმარების მიზნით ფლობისთვის პატიმრობა აღარ გამოიყენება, თუმცა ქმედება კვლავაც რჩება სისხლის სამართლის დანაშაულად და სანქციად ჯარიმას ან საზოგადოებისთვის სასარგებლო შრომას, ვადით 1160-დან 220 სთ-მდე ითვალისწინებს.
მონიკა დავლიანიძე