არქივი
კომენტარი
შამბა არის ყველზე პრორუსი პოლიტიკოსი აფხაზეთში და შეიძლება ეს განცხადება სწორედ რუსული თამაშის ნაწილი იყოს - პაატა ზაქარეიშვილი
ყოფილი შერიგებისა და სამოქალაქო თანასწორობის საქართველოს სახელმწიფო მინისტრი პაატა ზაქარეიშვილი ოკუპირებული აფხაზეთის ყოფილი ე.წ. პრემიერ-მინისტრის, სერგეი შამბას ინტერვიუს გამოეხმაურა.
მისი თქმით, შამბა არის ყველზე პრორუსი პოლიტიკოსი აფხაზეთში და შეიძლება ეს განცხადება სწორედ რუსული თამაშის ნაწილი იყოს.
„აქ სამი მომენტია - შეიძლება რაღაც პროცესები მიდის ფარული და ღმერთმა ქნას, ყველაზე უფრო მისაღები ჩემთვის ეს ვარიანტია და საჭირო იყო ამ პროცესების გაჟღერება; მეორე ვარიანტია, რომ მართლაც აფხაზები მიხვდნენ, რომ არ შეიძლება ჩამოკიდებული იყვნენ მხოლოდ რუსეთზე და საჭიროა,
ქართველებთან კონტაქტის დამყარება; მესამე ვარიანტია, რაღაც რუსული თამაშის ნაწილი არ იყოს, რადგან მოგეხსენებათ ყველაზე პრორუსი პოლიტიკოსი აფხაზეთში არის შამბა. აფხაზურმა და ოსურმა მხარეებმა შანსი გაუშვეს ხელიდან, როცა ბიძინა ივანიშვილი იყო პრემიერ-მინისტრი. მაშინ ჰქონდათ მცდელობები, რომ ბიძინა ივანიშვილი რადგან იყო გავლენიანი და ავტორიტეტული ფიგურა საქართველოში, როგორც პოლიტიკური ფიგურა მათ შეეძლოთ თამამი გადაწყვეტილებები მიეღოთ“, განაცხადა პაატა ზაქარეიშვილმა.