სამართალი

შს მინისტრის მოადგილე არ გამორიცხავს, რომ ზვარეში მომხდარი დანაშაულის კვალიფიკაცია კიდევ ერთხელ შეიცვალოს

შს მინისტრის მოადგილე, შალვა ხუციშვილი არ გამორიცხავს, რომ ზვარეში მომხდარი დანაშაულის კვალიფიკაცია კიდევ ერთხელ შეიცვალოს.

შესაბამისი განცხადება მან უწყებათაშორისო კომისიის შემაჯამებელი სხდომის შემდეგ ჟურნალისტებთან გააკეთა.

,,დაკავებული არის რამდენიმე პირი ამ საკითხზე, თუ არ ვცდები, ჩინეთის მოქალაქეები. ცემის მუხლით იყო, მაგრამ შემდგომში მოხდა გადაკვალიფიცირება ჯამრთელობის დაზიანების მუხლით. თუმცა, იმის გამო, რომ გამოძიება მიმდინარეობს და გარკვეული საგამოძიებო მოქმედებები კიდევ უნდა განხორციელდეს, შეიძლება რაღაც შეიცვალოს. მაგრამ, ამ ეტაპზე მთავარი არის, რომ კონკრეტული პირები არიან დაკავებულები და ჩვენ ყველაფერს ვაკეთებთ იმისთვის, რაც ჩვენ კომპეტენციაშია, რათა თავიდან ავიცილოთ დამატებით ნებისმიერი ფიზიკური დაპირისპირება,“ - განაცხადა შალვა ხუციშვილმა.

ცნობისათვის: შინაგან საქმეთა სამინისტრომ სოფელ ზვარეში მომხდარი ცემის ფაქტზე ჩინეთის სამი მოქალაქე დააკავა. დაკავება სისხლის სამართლის კოდექსის 118-ე მუხლით მოხდა, რაც ჯანმრთელობის განზრახ ნაკლებად მძიმე დაზიანებას გულისხმობს.

ნინო ექვთიმიშვილი