უკან

რეგიონები

13 ივნისი, 2018 12:40
font-size

შსს ჭიათურაში დაკავებული პირის ახლობლების პროტესტს ეხმაურება

შინაგან საქმეთა სამინისტრო ეხმაურება ჭიათურაში დაკავებული ერთ-ერთი პირის ახლობლების განცხადებებს.

როგორც უწყების მიერ გავრცელებულ განცხადებაშია აღნიშნული, 2018 წლის 27 მაისს ჭიათურის რაიონული სამმართველოს თანამშრომლების მიმართ წინააღმდეგობის გაწევის ფაქტზე გამოძიება დაიწყო საქართველოს სსკ-ის 353-ე მუხლის 1-ლი ნაწილით, რაც პოლიციის მიმართ მისი საქმიანობის შეწყვეტის მიზნით წინააღმდეგობას გულისხმობს და 2-დან 5 წლამდე თავისუფლების აღკვეთას ითვალისწინებს.

,,გამოძიებით დადგინდა, რომ 2018 წლის 26 მაისს ჭიათურის რაიონული სამმართველოს უფროსის მოადგილეს მიხეილ გიგაურს და ამავე სამმართველოს უბნის ინსპექტორ-გამომძიებელს ვეფხვია შეყილაძეს, რომლებიც სამსახურებრივ მოვალეობის შესრულებისას იმყოფებოდნენ შემოვლაზე, წინააღმდეგობა გაუწიეს 1989 წელს დაბადებულმა ლ. მ.-მ, 1987 წელს დაბადებულმა ზ. ნ.-მ, 1997 წელს დაბადებულმა დ. გ.-მ, 1989 წელს დაბადებულმა გ. გ.-მ, 1974 წელს დაბადებულმა ბ. კ.-მ, 1978 წელს დაბადებულმა პ. კ.-მ და წარსულში არაერთგზის, მათ შორის მკვლელობის მცდელობისათვის ნასამართლევმა, 1988 წელს დაბადებულმა თ. გ.-მ, რომელმაც ხელის დარტყმით სახის არეში ფიზიკური დაზიანება მიაყენა ჭიათურის რაიონული სამმართველოს უფროსის მოადგილეს, მიხეილ გიგაურს.

დანაშაულში მხილებული თ. გ. შემთხვევის ადგილზევე იქნა დაკავებული სსკ-ის 353-ე მუხლის 1-ლი ნაწილით. რაც შეეხება მის თანხმლებ პირებს, ისინი სამართალდამცველებმა წვრილმანი ხულიგნობისა და პოლიციელის კანონიერი მოთხოვნისადმი დაუმორჩილებლობის ფაქტზე ადმინისტრაციული სამართალდარღვევისთვის დააკავეს. ადმინისტრაციული წესით დაკავებული ყველა პირი სასამართლომ სამართალდამრღვევებად ცნო და მათ სახდელის სახით 100-დან 300 ლარამდე ოდენობით ჯარიმა შეუფარდა.

თ.გ.-ს მიერ დანაშაულის ჩადენა დასტურდება შემდეგი მტკიცებულებებით:

შემთხვევის ადგილის, დაზარალებულთა დაზიანებული ტანსაცმლისა და სხეულის გარეგნული დათვალიერების ოქმებით, დაზარალებულ მიხეილ გიგაურისა და იური ლომიძის, ასევე საქმეზე დაკითხული სხვა 11 მოწმის გამოკითხვებით, ადმინისტრაციულად დაკავებული დ.გ.-ს მობილური ტელეფონის დათვალიერების ოქმით და მის მიერ წარმოდგენილი ფაქტის ამსახველი ვიდეოჩანაწერით, ასევე დაზარალებულ მიხეილ გიგაურის სამედიცინო ექსპერტიზის დასკვნით. მოსამართლემ თ.გ.-ს აღკვეთის ღონისძიების სახით პატიმრობა შეუფარდა.

2018 წლის 4 ივნისს ჭიათურის რაიონული სამმართველოს ადმინისტრაციული შენობის მიმდებარე ტერიტორიაზე შიმშილობა დაიწყეს თ. გ.-ს ახლობლებმა, რომლებიც სამართალდამცველებს თ.გ.-ს და მისი თანმხლები პირების დაკავების დროს ძალის გადამეტებაში ადანაშაულებენ. ბრალდებასთან დაკავშირებით დასავლეთ საქართველოს რაიონულმა პროკურატურამ უკვე დაიწყო გამოძიება. ასევე საქმეზე შინაგან საქმეთა სამინისტროს გენერალური ინსპექცია აწარმოებს მოკვლევას.

თუ დადასტურდა, რომ პოლიციელთა მხრიდან ადგილი ჰქონდა უფლებამოსილების გადამეტებას, შინაგან საქმეთა სამინისტრო მოახდენს შესაბამის სამართლებრივ რეაგირებას.

ამ ეტაპზე გამოძიების მიერ მოპოვებული მტკიცებულებებით თ.გ.-ს ბრალეულობა დასტურდება. მის ბრალეულობაზე უკვე იმსჯელა სასამართლომაც პირველი წარდგენის სხდომაზე და აღკვეთის ღონისძიების სახით პატიმრობა შეუფარდა.

მოქმედი კანონმდებლობის თანახმად, სასამართლო ბრალდებულის მიმართ შეკრებილი მტკიცებულებების საკმარისობას წინასასამართლო სხდომაზე და შემდგომ უკვე არსებითი განხილვის სხდომაზე შეაფასებს.

ბრალდებულის ახლობლების მოთხოვნები მის გათავისუფლებასთან დაკავშირებით და პროტესტის გამოხატვის ფორმა მიუღებელია იმ ფონზე, როდესაც ბრალდებულის მიმართ არსებობს შესაბამისი მტკიცებულებები და მიმდინარეობს სისხლის სამართლის კანონმდებლობით გათვალისწინებული პროცედურები“, - ნათქვამია შსს-ს განცხადებაში.

საკვანძო სიტყვები:

შიდა ქართლში პესტიციდებისა და აგროქიმიკატების 17 სარეალიზაციო ობიექტი დაჯარიმდა

21 აგვისტო, 2019 , 17:05

სურსათის ეროვნული სააგენტო აგროქიმიკატების და პესტიციდების სარეალიზაციო ობიექტებს მთელი ქვეყნის მასშტაბით ამოწმებს. მიმდინარე თვეში სახელმწიფო კონტროლი განხორციელდა შიდა ქართლის რეგიონში, სადაც 31 ობიექტი შემოწმდა.

კაჭრეთი ხანძარი ლოკალიზებულია

20 აგვისტო, 2019 , 16:31

შინაგან საქმეთა სამინისტროს საგანგებო სიტუაციების მართვის სამსახურის მეხანძრე მაშველებმა კახეთში, სოფელ ზემო კაჭრეთში ხანძრის ლოკალიზება შეძლეს. გრძელდება სალიკვიდაციო სამუშაოები. ცეცხლის ქრობაში ჩართულია სასაზღვრო პოლიც

ზემო კაჭრეთში ტყეს ცეცხლი უკიდია

20 აგვისტო, 2019 , 15:24

გურჯაანის მუნიციპალიტეტის სოფელ ზემო კაჭრეთში ცეცხლი ტყის მასივის ნაწილს მოედო. ცეცხლის ქრობის სამუშაოებში ჩაერთო შინაგან საქმეთა სამინისტროს სასაზღვრო პოლიციის ვერტმფრენი. საგანგებო სიტუაციების მართვის სამსახურის ცნობით

შავი ზღვის სანაპირო ზოლზე 4 ბალამდე შტორმია - საგანგებო სიტუაციების მართვის სამსახური ზღვაზე დამსვენებლებს მიმართავს

19 აგვისტო, 2019 , 11:06

შავი ზღვის სანაპირო ზოლზე, აჭარის, გურიის და სამეგრელოს ტერიტორიაზე 3-დან 4 ბალამდე შტორმია. საგანგებო სიტუაციების მართვის სამსახურის ცნობით, ზღვაზე გამოფენილია წითელი ალმები და მაშველები დამსვენებელებს აფრთხილებენ, რომ

22 აგვისტომდე, საქართველო-რუსეთის დამაკავშირებელ გზაზე შეზღუდვები დაწესდება

19 აგვისტო, 2019 , 10:39

მცხეთა-სტეფანწმინდა-ლარსის საავტომობილო გზის 125 კმ-ზე, მდინარე „თერგზე“ არსებულ სახიდე გადასასვლელზე სარეაბილიტაციო სამუშაოები იგეგმება. საავტომობილო გზების დეპარტამენტის ინფორმაციით, აღნიშნულის გამო, გზის ა

ცენტრალური და ადგილობრივი ხელისუფლების წარმომადგენლები სიღნაღის მოსახლეობას შეხვდნენ

17 აგვისტო, 2019 , 11:12

გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი სიღნაღის მუნიციპალიტეტის სოფლების ანაგას, ვაქირისა და საქობოს ადგილობრივ მოსახლეობას შეხვდა. შეხვედრას კახეთის მხარის რწმუნებული ირაკლი ქადაგიშვ

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს