კონფლიქტის ზონა

სირიამ ოკუპირებული აფხაზეთისა და სამხრეთ ოსეთის დამოუკიდებლობა აღიარა

სირიამ რუსეთის მიერ ოკუპირებული აფხაზეთისა და სამხრეთ ოსეთის დამოუკიდებლობა აღიარა. ამის შესახებ წერია ოკუპირებული სამხრეთ ოსეთისა და აფხაზეთის დე-ფაქტო საგარეო უწყებების ვებგვერდებზე.

ოკუპირებული ცხინველის დე-ფაქტო საგარეო უწყების ინფორმაციით, მხარეები ურთიერთაღაიარებისა და საელჩოების დონეზე დიპლომატიური ურთიერთობების დამყარების შესახებ შეთანხმდნენ.

დამასკთან დიპლომატიური ურთიერთობების დამყარების შესახებ ოკუპირებული აფხაზეთის დე-ფაქტო საგარეო უწყებამაც დაადასტურა.

ოკუპირებული აფხაზეთისა და სამხრეთ ოსეთის ე.წ. დამოუკიდებლობა აღიარეს რუსეთმა, ნიკარაგუამ, ვენესუელამ , ნაურუმ, ვანუატუმ და ტუვალუმ.