საზოგადოება
სოფო კილაძე ბავშვთა უფლებათა კომიტეტის სესიაზე მოხსენებით წარსდგა
25 იანვარს, ქალაქ ჟენევაში, ბავშვთა უფლებათა კომიტეტის 74-ე სესია გაიმართა. ღონისძიების ფარგლებში, ბავშვის უფლებათა კონვენციის იმპლემენტაციის თაობაზე საქართველოს მიერ წარდგენილი მეოთხე პერიოდული ანგარიშის განხილვა მოეწყო, რომელსაც პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, სოფო კილაძე და აღმასრულებელი და სასამართლო ხელისუფლების წარმომადგენლები დაესწრნენ.
კომიტეტის წინაშე მოხსენებით წარსდგა სოფო კილაძე, რომელმაც ახალ ინიციატივებზე და იმ გეგმებზე ისაუბრა, რაც ბავშვთა უფლებების შესახებ კანონპროექტის შემუშავებას უკავშირდება. მისი განცხადებით, კანონპროექტი იმ მიმართულებებს შეეხება, რომლებიც ბავშვის უფლებათა დაცვის მაღალი სტანდარტის განსამტკიცებლადაა აუცილებელი. კომიტეტის თავმჯდომარემ იმ ახალ ინიციატივასაც ისაუბრა, რომელიც საქართველოში სოციალური მუშაკის ინსტიტუტის დახვეწას გულისხმობს.
„ამ მიმართულებით მუშაობა ადამიანის უფლებათა დაცვისა და სამოქალაქო ინტეგრაციის კომიტეტს უკვე დაწყებული აქვს. განსაკუთრებული აქცენტი ამ რეფორმის ფარგლებში სწორედ ბავშვებთან დაკავშირებულ საკითხებზე გაკეთდება“- აღნიშნა სოფო კილაძემ. ბავშის უფლებათა დაცვის სხვადასხვა საკითხებთან ერთად, მომხსენებელმა იმ ნაბიჯებზეც ისაუბრა, რომელსაც ნარკოპოლიტიკის კუთხით ბავშვთა და მოზარდთა დასაცავად სახელმწიფო დგამს.
აღნიშნული სესიის ფარგლებში, საქართველოს დელეგაციის წევრებმა ბავშვის უფლებათა კომიტეტს ინფორმაცია მიაწოდეს ისეთი მნიშვნელოვანი საკითხების შესახებ, როგორიც არის: არასრულწლოვანთა მართლმსაჯულების კოდექსი; ანტი-დისკრიმინაციული კანონმდებლობა; ბავშვების ტრეფიკინგის წინააღმდეგ ბრძოლა; ბავშვების ჯანდაცვა და განათლება; ბავშვზე ზრუნვის სისტემა; შეზღუდული შესაძლებლობების მქონე ბავშვების მდგომარეობა; ქუჩაში მცხოვრები და მომუშვე ბავშვები; არასრულწლოვნები პენიტენციურ დაწესებულებებში; ბავშვების მიმართ ძალადობაზე ახალი რეფერალური მექანიზმის ამოქმედება და სხვა.
ბავშვის უფლებათა კომიტეტის წევრებმა კონვენციის იმპლემენტაციის მხრივ, საქართველოში განხორციელებული რეფორმები დადებითად შეაფასეს. განსაკუთრებით ხაზი გაესვა კანონმდებლობის კუთხით მნიშვნელოვან წინსვლას. ასევე ცალკე აღინიშნა ის სფეროები, სადაც დამატებითი რეფორმების განხორციელების საჭიროება არსებობს.
საკვანძო სიტყვები:
გადმოხტა პირბადიანი კუნთმაგარი ვირთხა და გამოექანა ჩემსკენ... ჰაერში ვისროლე და დავემუქრე - ზურაბ გირჩი ჯაფარიძე
10 მაისი, 2024 , 17:23
დააზიანეს ჟურნალისტ ნინო ზურიაშვილის ავტომანქანა, ხოლო საცხოვრებელი სახლის ფასადზე შეურაცხმყოფელი პლაკატებია გაკრული - „სტუდია მონიტორი“
10 მაისი, 2024 , 12:55
კონკურენციისა და მომხმარებლის დაცვის სააგენტოს მიერ დაკისრებული ვალდებულებების შეუსრულებლობის გამო მოვაჭრეებს ჯარიმა დაეკისრათ
10 მაისი, 2024 , 10:51
პრემიერ-მინისტრმა ვეტერანთა კულტურისა და დასვენების პარკში მეორე მსოფლიო ომში დაღუპულთა ხსოვნას პატივი მიაგო
9 მაისი, 2024 , 12:32
გილოცავთ ფაშიზმზე გამარჯვების დღეს, განსაკუთრებით მეორე მსოფლიო ომის ქართველ ვეტერანებს, ამ დღეს მინდა, ჩვენს ქვეყანას და მსოფლიოს მშვიდობა ვუსურვო - შალვა პაპუაშვილი
9 მაისი, 2024 , 11:55
ვაფრთხილებთ აქციის მონაწილეებსა და ორგანიზატორებს, როცა პოლიცია კანონის შესაბამისად დაიწყებს ძალადობრივი ქმედებების აღკვეთას, გამოყენებული იქნება მკაცრი ზომები, როგორც აშშ-ის და ევროპის წამყვან ქვეყნებშია მიღებული - თემურ კუპატაძე
8 მაისი, 2024 , 17:55
