პოლიტიკა
„სოციალ დემოკრატები“ „ქართული ოცნების“ დატოვების შესაძლებლობაზე საუბრობენ
თუ „სოციალ-დემოკრატები“ და „ქართული ოცნება“ საპენსიო რეფორმაზე პოზიციებს ვერ შეაჯერებენ, მაშინ სოციალისტები „ქართული ოცნების“ დატოვებას არ გამორიცხავენ. ამის შესახებ "ქართული ოცნება - სოციალ-დემოკრატების" თავმჯდომარის მოადგილე ბექა ნაცვლიშვილმა განაცხადა.
"თუ კონსესუსი ვერ შედგა გარკვეულ საკითხებთან დაკავშირებით, თუ მომავალში იქნება ისეთი საკითხები, რომ უმრავლესობასთან ვერ შევჯერდებით და ეს იქნება ფუნდამენტური საკითხები, რომლებიც ცდება პიროვნულ უთანხმოებას, ეს არის უკვე პოლიტიკის საკითხი, ღირებულებრივი და იდეოლოგიური საკითხი, ასეთ შემთხვევაში არ გამოვრიცხავ, რომ ჩვენ ან სხვამ უმრავლესობა დავტოვოთ," - აღნიშნა ბექა ნაცვლიშვილმა.
ბეა ნაცვლიშვილმა განცხადება, რომ „სოციალ-დემოკრატებს“ საპენსიო რეფორმის ალტერნატიული ვერსია აქვთ, 20 მარტს გააკეთა.
12 მარტს პარლამენტის დარგობრივი ეკონომიკის კომიტეტმა ახალ საპენსიო რეფორმასთან დაკავშირებით მთავრობის მიერ წარდგენილ პროექტს მხარი არ დაუჭირა.
2018 წლის მესამე კვარტლიდან კერძო დაგროვებითი საპენსიო სისტემა ამოქმედდება, რაც განსაზღვრული შენატანის საპენსიო სქემის შექმნას გულისხმობს. პროექტი ეკონომიკის სამინისტროს ეკუთვნის.
ცირა გურგენიძე