უახლესი ამბები
- 21.05.2024 18:05მამუკა მდინარაძე MEGOBARI Act-ზე: რეალურად, ამ სატესტო ინიციატივის მიზანია ჩამქრალი საპროტესტო მუხტის ხელახლა გაღვივება
- 21.05.2024 17:18აშშ-ს ხელს არც აქამდე უშლიდა არაფერი, რომ მოეხდინა საქართველოსთან იმ პაკეტების რეალიზაცია, რაზეც ამ წერილშია საუბარი - ირაკლი ქადაგიშვილი
- 21.05.2024 17:06MEGOBARI Act `ოცნებას` სანქციებს, საქართველო მოსახლეობას კი სიკეთეებს ჰპირდება - ირაკლი კუპრაძე
- 21.05.2024 15:40„ქართული ოცნება” დაადგა ღალატის გზას, მაგათ არაფერი ეშველებათ - პაატა მანჯგალაძე
- 21.05.2024 15:23„ქართული ოცნების“ პოლიტიკური საბჭო განცხადებას ავრცელებს
- 21.05.2024 15:15პროტესტის უკან დგანან კონკრეტული არასამთავრობო ორგანიზაციები, რომლებიც უცხოეთიდან ფინანსდებიან, ასევე, ამ რადიკალურ ქმედებებში ჩართულია დავით კეზერაშვილის თანხები - კახა კალაძე
- 21.05.2024 15:02ქუთაისის პირველ საჯარო სკოლაში „საქართველოს ბანკის“ იდეათეკა გაიხსნება
- 21.05.2024 14:50არავითარ შეხვედრას კეზერაშვილთან, არც ერთ საკითხთან დაკავშირებით არ ვგეგმავ, არც ახლა და არც მომავალში - ნიკა მელია
- 21.05.2024 12:15მიიღე მონაწილეობა Fulbright-ის სასტიპენდიო პროგრამაში და გახდი საქართველოს ბანკის სტიპენდიატი
- 21.05.2024 11:53ხელისუფლებას აქვს მარტივი არჩევანი: ან სანქცირებულმა დატოვოს ხელისუფლება, ან მოეგოს გონს და სანქციების გარეშე დატოვოს არჩევნების გზით - ანა ნაცვლიშვილი
არქივი
ეკონომიკა
„ტავ ურბან ჯორჯია“ კაბალური პირობებით მუშაობს, ერთადერთ ეროვნულ ავიაკომპანიას ხელოვნურ წინაღობებს უქმნის და ფრენებს უზღუდავს - „ჯორჯიან ეარვეისის“ დამფუძნებლი
„ჯორჯიან ეარვეისის“ დამფუძნებლის, თამაზ გაიაშვილის განცხადებით, „ტავ ურბან ჯორჯია“ კაბალური პირობებით მუშაობს, ერთადერთ ეროვნულ ავიაკომპანიას ხელოვნურ წინაღობებს უქმნის და ფრენებს უზღუდავს. ამის შესახებ თამაზ გაიაშვილმა „ტავ ურბან ჯორჯიასა“ და „ჯორჯიან ეარვეისს“ შორის არსებულ დავასთან დაკავშირებით გამართულ პრესკონფერენციაზე განაცხადა.
მისივე თქმით, „ტავ ურბან ჯორჯიას“ მომსახურების სერვისი თბილისსა და ბათუმის აეროპორტში საერთაშორისო სტანდარტებს არ შეესაბამება. თამაზ გაიაშვილის განცხადებით, მათ შორის თბილისის საერთაშორისო აეროპორტში დარღვეულია უსაფრთხოების ნორმებიც, რაც მაგალითად, ასაფრენ ბილიკთან დაკავშირებულ პრობლემებში გამოიხატება.
ამასთან, როგორც „ჯორჯიან ეარვეისის“ დამფუძნებელმა განაცხადა, ის 9-მილიონიანი დავალიანება, რომელიც კომპანიას ბოლო 1 წლის განმავლობაში დაუგროვდა, მაღალი გადასახადებით არის გამოწვეული.
„ავიაკომპანიას პირველი პრეტენზია „ტავ ურბან ჯორჯიას“ მიმართ საავიაციო უსაფრთხოების კუთხით აქვს: როგორ მდგომარეობაშია პერონი, ასაფრენი ბილიკი და ასევე, ამა თუ იმ ავიაკომპანიას ის რა ტექნიკით ემსახურება. დღეს თბილისის აეროპორტის მდგომარეობა ვერანაირ კრიტიკას ვერ უძლებს.
9-მილიონიანი დავალიანება, რომელიც „ტავ ურბან ჯორჯიასთან“ გვაქვს, დაგროვდა ერთი წლის მანძილზე. ისინი საუბრობენ იმაზეც, რომ გარკვეულ შეღავათებს გვიწევენ, მაგრამ ჩვენ ამ თანხებს მაინც ვერ ვიხდით. წარმოიდგინეთ, შეღავათი რომ არ გვქონდეს, რა მდგომარეობაში ვიქნებოდით. ერთ გამსვლელ მგზავრზე გადახდა დაახლოებით 40 დოლარი გვიჯდება. გარდა ამისა, სხვა ქვეყნებშიც გვაქვს გადასახადები. ჩვენ ვდავობთ, რომ ის გადასახადი, რომელიც „ტავ ურბან ჯორჯიას“ აქვს, ძალიან მაღალია. გრაფიკი კი არის შედგენილი, მაგრამ ვერ ვიხდით, ძალიან მაღალია. გვიხდება გიგანტურ ავიაკომპანიებთან კონკურენციის გაწევა, რომელთაც როგორ საკუთარ ქვეყნებში, ისე აეროპორტებშიც აქვთ მხარდაჭერა“, - განაცხადა თამაზ გაიაშვილმა.
მისივე განცხადებით, ხელისუფლება ქუთაისის აეროპორტში უცხოურ კომპანიას ფინანსურად ეხმარება და ხელს უწყობს, რაც „ჯორჯიან ეარვეისის“ შემთხვევაში არ ხდება.
თამაზ გაიაშვილის თქმით, იმ შემთხვევაში, თუ „ტავ ურბან ჯორჯიასთან“ შეთანხმება არ მოხდება, შესაძლოა, კომპანიამ სასამართლოსაც მიმართოს.