კონფლიქტის ზონა

„თავისუფლება ზაზა გახელაძეს“ - სოფელ ჭალაში აქცია მიმდინარეობს

საოკუპაციო რეჟიმის მიერ, უკანონოდ დაკავებული ზაზა გახელაძის გათავისუფლების მოთხოვნით, სოფელ ჭალაში აქცია მიმდინარეობს. მსვლელობისთვის თბილისიდან ჩავიდნენ აქტივისტები, ოპოზიციონერი პოლიტიკოსები და მოქალაქეები.

აქციას ზაზა გახელაძის მამა, მიხეილ გახელაძე და ახლობლებიც შეუერთდნენ.

როგორც მიხეილ გახელაძემ განმარტა, აქციის მომდინარეობისას არ გადაიკეტება გზა, როგორც ეს დაგეგმილი იყო.

“დღეს ზაზას დაბადების დღეა და ტაძარში სანთლის დანთებით აღნიშნავენ ამ დღეს,” - ამბობს მიხეილ გახელაძე.

შეგახსენებთ, 33 წლის ზაზა გახელაძე საოკუპაციო რეჟიმის წარმომადგენლებმა გასული წლის 11 ივლისს, კასპის მუნიციპალიტეტში, სხვილოს ციხის მიმდებარე ტერიტორიაზე უკანონოდ დააკავეს.