უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
სამართალი
თქვენ გეყოლებათ ღირსეული თავმჯდომარე, ადვოკატთა ასოციაცია არ იქნება არც ერთი პოლიტიკური ჯგუფის არასდროს - ზაზა ხატიაშვილი
ადვოკატთა ასოციაციის თავმჯდომარის არჩევნებზე დარბაზში შეკრებილ ადვოკატებს ასოციაციის უკვე ყოფილმა თავმჯდომარემ, ზაზა ხატიაშვილმა მიმართა.
,,ამაყი მივდივარ, რომ საკუთარი სიცოცხლის ფასად ვიცავდი თქვენს უფლებებს, მე ვრჩები თქვენთან, თითოეულ ადვოკატთან, მე ვარ უფლებადამცველი, მაქვს ჩემი ღირსება და სახელი და ეს გეკუთვნით თქვენ,“ - თქვა ხატიაშვილმა.
მან ასოციაციაში მისვლის წლები - 8 წელი შეაჯამა და აღნიშნა, რომ არაერთი დაბრკოლება და პრობლემა შეექმნა, თუმცა, მიუხედავად ამისა, ადვოკატთა ასოციაციის თავმჯდომარის პოზიციას ღირსეულად ხელმძღვანელობდა.
„111 ადვოკატი დამხვდა ციხეში. თქვენ გახსოვთ ის, რაც გადავიტანე მათ გამოსაყვანად. მე მაბრალებდნენ ხშირად პოლიტიკური განცხადებების გაკეთებას, თუმცა შეუპოვრად ვიცავდი თქვენს პოზიციას, ვინაიდან თქვენ ხართ ძლიერები. ამასთან, ჩემი თავმჯდომარეობის დროს სისხლის სამართლის კოდექსში რევოლუციური ცვლილებები იქნა შეტანილი და საადვოკატო საქმიანობისთვის ხელის შეშლა გახდა სისხლის სამართლის დანაშაული. ამაყი მივდივარ, რომ საკუთარი სიცოცხლის ფასად ვიცავდი თქვენს უფლებებს, მე ვრჩები თქვენთან, თითოეულ ადვოკატთან, მე ვარ უფლებადამცველი, მაქვს ჩემი ღირსება და სახელი და ეს გეკუთვნით თქვენ.
თქვენ გეყოლებათ ღირსეული თავმჯდომარე. ადვოკატთა ასოციაცია არ იქნება არც ერთი პოლიტიკური ჯგუფის არასდროს, არც ერთი პოლიტიკური ჯგუფი იქ მე არ შემიშვია, და მომავალში ეს ასეც იქნება. ამაყი ვარ იმით, რადგან აქედან ისე მივდივარ, რომ არავინ მლანძღავს“, - განაცხადა ხატიაშვილმა.