უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
არქივი
მსოფლიო
თქვენი ნებაყოფლობითი გადადგომა არის უკრაინაში პოლიტიკური კრიზისის დაძლევის ბოლო შანსი - მიხეილ სააკაშვილი პოროშენკოს მიმართავს
საქართველოს ყოფილმა პრეზიდენტმა და ოდესის ექს-გუბერნატორმა მიხეილ სააკაშვილმა პეტრო პოროშენკოს პრესმდივნის, სვიატოსლავ ცეგოლკოს მიერ მისი წერილის გამოქვეყნების გამო შეშფოთება გამოთქვა და უკრაინის პრეზიდენტს ვიდეომიმართვით უპასუხა.
„პრეზიდენტმა პეტრო პოროშენკომ უნამუსობის ახალი რეკორდი მოხსნა და მისადმი ჩემი პირადი წერილი გამოაქვეყნა. რომ გესმოდეთ, ეს პირადი წერილი მე მას მივწერე იზოლატორიდან გათავისუფლების შემდეგ, მას შემდეგ, რაც სასამართლო მოვუგე პოროშენკოს, დასავლურ დიპლომატიურ კორპუსთან ჩემი კონსულტაციების შემდეგ, მათ სახელებს არ დავასახელებ, იმიტომ, რომ პოროშენკოსგან განსვავებით დიპლომატიურ ეტიკეტს სრულყოფილად ვფლობ. კიევში აკრედიტებულ წამყვან დასავლელ დიპლომატებთან შეხვედრის შემდეგ ჩვენ ამ ელჩებთან ერთად გადავწყვიტეთ, დავიწყოთ მოლაპარაკებების გამართვის მცდელობის დაწყება უკრაინის პოლიტიკური კრიზისიდან გასასვლელად, რათა უკრაინამ მოიგოს და მტერმა არ ისარგებლოს უკრაინის შიდა და პოროშენკოს რეჟიმის სისუსტით.
ამ კონსულტაციების შემდეგ ჩვენმა დასავლელმა პარტნიორებმა დაიწყეს თავისი პროცესი, ხოლო მე მათთან შეთანხმებით ეს წერილი დავწერე. ამ წერილში არაფერი პირადული არ იყო. მე იმაზე ვწერდი თუ როგორ მოგვარებულიყო შექმნილი სიტუაცია და როგორ დაგვეწყო ამის თაობაზე მოლაპარაკება. იმ წერილში არაფერია ისეთი, რისი ხალხისგან დამალვა მსურდა. უბრალოდ არსებობს დიპლომატიური ეტიკეტი, რაც არ მაძლევდა მისი გამოქვეყნების საშუალებას. ის, რომ თქვენ გამოაქვეყნეთ, ამით არა მხოლოდ დამეხმარეთ, არამედ აჩვენეთ თქვენი სისულელე. ამიტომაც გადავწყვიტე, გამოვაქვეყნო ღია წერილი და იქ ყველაფერი ფუნდამენტურად აღწერილია. მას შემდეგ, რაც გააკეთეთ, ბატონო პრეზიდენტო, თქვენ უფრო დაკარგეთ ნდობა, მათ შორის აქ მყოფი დიპლომატების. ვფიქრობ, ეს ჩემი ბოლო მცდელობა იყო, გადამერჩინეთ თქვენივე საბედისწერო შეცდომებისგან, მაგრამ ახლა უმთავრესია უკრაინის გადარჩენა. ამიტომაც ჩვენ ამით დავკავდებით“, - განაცხადა სააკაშვილმა.
ვიდეომიმართვას მან დაურთო პოროშენკოსადმი მიძღვნილი ღია წერილი. სააკაშვილმა უკრაინის პრეზიდენტს გადადგომისკენ მოუწოდა.
„გამოუტყდით საკუთარ თავსა და ხალხს, რომ თქვენ და თქვენს თანამოაზროვნეებს არ შეგიძლიათ და არ გინდათ უკრაინის უკეთესობისკენ შეცვლა. თქვენი ნებაყოფლობითი გადადგომა არის პოლიტიკური კრიზისის დაძლევის ბოლო შანსი, რომელიც უფრო გაუარესდება. ნებაყოფლობით გადამდგარ პრეზიდენტს, რომელმაც ქედი დაუხარა ხალხის ნებას, შეუძლია სასჯელის შემსუბუქებისა და შეწყალების იმედი ჰქონდეს“, - ნათქვამია წერილში.
ანა მებურიშვილი