სამართალი

ცოლის ცემის ბრალდებით დაკავებული პატრულ ინსპექტორი 5000 ლარიანი გირაოთი გაათავისუფლეს

თბილისის საქალაქო სასამართლომ არ დააკმაყოფილა ბრალდების მხარის შუამდგომლობა არასრულწლოვანი შვილის თანდასწრებით მეუღლის მიმართ ოჯახური ძალადობის განხორციელების ფაქტზე დაკავებული მესაზღვრე-კონტროლიორის, პატრულ-ინსპექტორის მიმართ აღკვეთის ღონისძიების სახით პატიმრობის მოთხოვნის შუამდგომლობა და ბრალდებულს გირაო 5 000 ლარი პატიმრობის უზრუნველყოფით შეუფარდა.

საქართველოს პროკურატურის თანამშრომლებმა პატრულ-ინსპექტორი ლ. რ. , 14 თებერვალს, თბილისის საქალაქო სასამართლოს მიერ გაცემული განჩინების საფუძველზე დააკავეს.

გამოძიებით დადგინდა, რომ ლ. რ.-მ 2018 წლის 4 იანვარს, არასრულწლოვანი შვილის თანდასწრებით ფიზიკური შეურაცხყოფა მიაყენა მეუღლეს. ჩადენილი ქმედება გათვალისწინებულია საქართველოს სსკ-ის 1261-ე მუხლის მე-2 ნაწილის „ბ“ ქვეპუნქტით, რაც სასჯელის სახედ და ზომად თავისუფლების აღკვეთას ერთიდან სამ წლამდე ვადით ითვალისწინებს.

საქართველოს პროკურატურა თბილისის საქალაქო სასამართლოს განჩინებას ლ. რ.-სთვის აღკვეთის ღონისძიების სახით გირაოს შეფარდების შესახებ, კანონით დადგენილი წესით, თბილისის სააპელაციო სასამართლოში გაასაჩივრებს და მისთვის პატიმრობის შეფარდებას მოითხოვს.

ცირა გურგენიძე