უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
არქივი
პოლიტიკა
თუ ბანკი ჩათვლის, რომ მისი უფლებები იზღუდება, მზად ვართ, კონსულტაციის რეჟიმში ვიყოთ ბანკთან - ბიზნესომბუდსმენი
საერთაშორისო სავაჭრო პალატა საქართველოში “თიბისი ბანკს" მხარდაჭერას უცხადებს და მთავრობას მოუწოდებს, შეწყვიტოს ბანკსა და ზოგადად, კერძო სექტორზე ზეწოლა.
სავაჭრო პალატის განცხადების თანახმად, ბოლო ექვსი წლის განმავლობაში ბიზნესის დიდი ნაწილი მოექცა სახელმწიფო სტრუქტურების ზეწოლის ქვეშ, მათ შორისაა “თიბისი ბანკიც“. მთავრობის ასეთი მოქმედებები კი უარყოფითად აისახება ქვეყანაში ბიზნესგარემოზე.
განცხადება გააკეთა ბიზნესომბუდსმენმაც. ირაკლი ლექვინაძემ სრულყოფილი და ობიექტური გამოძიების აუცილებლობაზე გაამახვილა ყურადღება. მისივე განცხადებით, “თიბისი ბანკს" სურვილის შემთხვევაში შეუძლია, ბიზნესომბუდსმენს დახმარების თხოვნით მიმართოს.
„ვთვლი, რომ მნიშვნელოვანია ის არაჯანსაღი აჟიოტაჟი, რაც არსებობს ამ თემის ირგვლივ. ეს უნდა ჩაცხრეს, რადგან ეს, უპირველეს ყოვლისა, მნიშვნელოვანია ბანკისთვის, რადგან ესაა საფინანსო ინსტიტუტი.
თუ არსებობს საგამოძიებო უწყების მხრიდან კითხვები, ბუნებრივი, ამ შეკითხვებზე იქნება შესაბამისი პასუხები. თუ ბანკი ჩათვლის, რომ მის მიმართ რაღაც ეტაპზე ხორციელდება ისეთი ქმედება, რომელიც შეიძლება ზღუდავდეს მის უფლებებს, მზად ვართ, კონსულტაციის რეჟიმში ვიყოთ ბანკთან“, - განაცხადა ლექვინაძემ.