უკან

უახლესი ამბები

დღის კალენდარი

ანონსები

არქივი

მსოფლიო

11 სექტემბერი, 2017 14:20
font-size

უკრაინაში ძალაუფლების ხელში ჩასაგდებად სააკაშვილიცა და ტიმოშენკოც გვამებზე გაივლიან - ანტონ გერაშენკო

უკრაინის შინაგან საქმეთა მინისტრის მრჩევლისა და უმაღლესი რადას დეპუტატის, ანტონ გერაშენკოს განცხადებით, გუშინ საზღვრის გადაკვეთისას მიხეილ სააკაშვილის მხარდამჭერებმა სისხლისღვრის მოწყობა სცადეს, თუმცა არ გამოუვიდათ. ამის შესახებ მან ფეისბუკის საკუთარ გვერდზე დაწერა.

„პროვოკატორების მთავარ მიზანს, რომლებმაც უკანონოდ გაარღვიეს უკრაინის საზღვარი, წარმოადგენდა სისხლისღვრის მოწყობას სამართალდამცავი ორგანოების წარმომადგენლების ბრუტალური ძალადობის სცენების თანხლებით.

ამის მიღწევა არ გამოუვიდათ.

პირიქით, ყველა მოაზროვნე ადამიანისთვის ცხადი გახდა, რომ უკრაინაში ძალაუფლების ხელში ჩასაგდებად სააკაშვილიცა და ტიმოშენკოც მზად არიან, გვამებს გადაუარონ“, -დაწერა გერაშენკომ.

გერაშენკოს ინფორმაციით, მესაზღვრეებს უბრძანეს, არ გამოიყენონ იარაღი სააკაშვილის მომხრეების მიმართ. მისი თქმით, ეს იყო გაკეთებული შემდგომი „პროპაგანდის“ თავიდან ასარიდებლად.

„ეს გამართლებული იყო, რადგან სამართალდამცავეების მიერ ერთი გასროლა ჰაერში და ამას გამოიყენებდნენ პროპაგანდისთვის, რათა შეედარებინათ მესაზღვრეების კანონიერი მოქმედებები საზღვრის დაცვისას „ბერკუტისა“ და სხვა სპეცდანაყოფების უკანონო საქმიანობასთან „მაიდანის“ დროს“, - განაცხადა გერაშენკომ.

მისი ვარაუდით, მიხეილ სააკაშვილისთვის უკრაინის მოქალაქეობის მინიჭებას არაერთი არყის ჭიქით აღნიშნეს მოსკოვში.

„ვფიქრობ, გუშინ მოსკოვში არყის არაერთი ჭიქა აწიეს იმ წინდაუხედავი გადაწყვეტილებისთვის, რომ მიშა სააკაშვილს უკრაინის მოქალაქეობა მიანიჭეს და მისცეს უნიკალური მოედანი თვითპიარისთვის“, -დაწერა უკრაინელმა დეპუტატმა.

გერაშენკოს თქმით, ამ შემთხვევაში უკრაინის ხელისუფლება კანონის ფარგლებში უნდა იმოქმედოს, ხოლო ის პირები, ვინც საზღვარი უკანონოდ გადაკვეთეს, უნდა დაისაჯონ.

შეგახსენებთ, გუშინ 20 საათზე მიხეილ სააკაშვილმა თავის მხარდამჭერებთან ერთად სასაზღვრო-გამშვები პუნქტი „შეგინი“ უკანონოდ გადაკვეთა. ის ახლა ლვოვში იმყოფება.

აღნიშნულ ფაქტზე დაწყებულია გამოძიება უკრაინის „სისხლის სამართლის კოდექსის“ 332-ე მუხლით, რაც სახელმწიფო საზღვარზე პირების უკანონოდ გადაყვანას გულისხმობს, ასევე ადგილობრივი შსს-ის ინფორმაციით, ინციდენტი „სისხლის სამართლის კოდექსის“ 348-ე მუხლის დანაშაულის ნიშნებსაც შეიცავს.

ანა მებურიშვილი

კოსოვოს პრემიერ-მინისტრი კორონავირუსით დაინფიცირდა

3 აგვისტო, 2020 , 11:30

კოსოვოს პრემიერ-მინისტრი ავდულა ჰოტი კორონავირუსით დაინფიცირდა და მომავალი ორი კვირის განმავლობაში სახლში, თვითიზოლაციაში იქნება. „დღეს, მე კორონავირუსზე ტესტი ჩავიტარე და შედეგი დადებითი აღმოჩნდა. არ მაქვს არავითა

ტრამპი აშშ-ში TikTok-ს კრძალავს

1 აგვისტო, 2020 , 15:15

აშშ-ის პრეზიდენტმა დონალდ ტრამპმა განაცხადა, რომ ის პოპულარულ მოკლემეტრაჟიანი ვიდეოების აპლიკაცია TikTok-ს შეერთებულ შტატებში აკრძალავს. ამით დონალდ ტრამპი ასევე ხელს უშლის გარიგებას, რომლითაც Microsoft-ს აპლიკაცია მისი

თურქეთი: კორონავირუსის 982 ახალი შემთხვევა, 17 გარდაცვლილი პაციენტი

1 აგვისტო, 2020 , 12:55

თურქეთში ბოლო ერთ დღეში კოროანვირუსული ინფექცია 982 ადამიანს დაუდასტურდა. თურქეთის ჯანდაცვის სამინისტროს ინფორმაციით, ეპიდემიის დაწყების შემდეგ ქვეყანაში კორონავირუსული ინფექციის 230 873 შემთხვევაა დადასტურებული. თურქეთი

სომხეთი: კორონავირუსის 291 ახალი შემთხვევა, 11 გარდაცვლილი პაციენტი

1 აგვისტო, 2020 , 12:25

სომხეთში კორონავირუსი კიდევ 291 პაციენტს დაუდასტურდა, 560 ადამიანი გამოჯანმრთელდა, 11 კი გარდაიცვალა. სულ ქვეყანაში კორონავირუსის 38,841 შემთხვევა დადასტურდა, გარდაიცვალა 749 ადამიანი, გამოჯანმრთელდა - 29,557.

აზერბაიჯანი: კორონავირუსის 318 ახალი შემთხვევა, 7 გარდაცვლილი პაციენტი

1 აგვისტო, 2020 , 12:25

გასული დღე-ღამის განმავლობაში აზერბაიჯანში კორონავირუსი კიდევ 318 ადამიანს გამოუვლინდა. 714 ადამიანი გამოჯანმრთელდა, ხოლო 7 ინფიცირებული კი გარდაიცვალა. ქვეყანაში კორონავირუსის დადასტურებულმა შემთხვევებმა 31,878 შეადგინა

რუსეთი: კორონავირუსის 5 462 ახალი შემთხვევა, 95 გარდაცვლილი პაციენტი

1 აგვისტო, 2020 , 12:25

ბოლო 24 საათის განმავლობაში რუსეთში ახალი კორონავირუსით ინფიცირების კიდევ 5 462 შემთხვევა გამოვლინდა, 95 ადამიანი კი ვირუსს ემსხვერპლა. ჯამში ქვეყანაში კოვიდინფიცირების 845 443 შემთხვევაა დადასტურებული, გარდაიცვალა 14 05

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე