პოლიტიკა
ვაგრძელებთ ჩვენს მოქმედებებს გარევაჭრობის დასარეგულირებლად - ირაკლი ლექვინაძე
თბილისის მერის მოადგილე ირაკლი ლექვინაძე ნავთლუღის ბაზრის გარემოვაჭრეთა აქციას გამოეხმაურა. მისი თქმით, გარევაჭრობის დარეგულირების კამპანია გაგრძელდება.
„თბილისის მერია აგრძელებს მიზანმიმართულ და თანმიმდევრულ მოქმედებებს გარევაჭრობის დარეგულირებისკენ. ამ დროისთვის ჩვენ დაგვრჩა ორი ლოკაცია - სამგორის მეტროს მიმდებარე ტერიტორია და ვარკეთილის მეტროს მიმდებარე ტერიტორია. დაახლოებით ორი კვირის ვადაში აღნიშნულ ტერიტორიებზეც დარეგულირდება გარევაჭრობა. ჩვენ ძალიან კარგად გვესმის ამ საკითხის სოციალური სიმძიმე, თუმცა, კიდევ ერთხელ ვიმეორებ, მიმდინარეობს წინასწარი გაფრთხილება, არ ხდება ქონებისა და საქონლის ჩამორთმევა და კონფისკაცია, თითოეულ მათგანზე შეთავაზებულია ალტერნატიული ადგილები“, - განაცხადა ლექვინაძემ.
ლექვინაძის განცხადებით, გარემოვაჭრეებისთვის შეთავაზებული ადგილი საკმარისია.
„ჯერჯერობით ეს ადგილები საკმარისია იმისათვის, რომ მათი განთავსება მოხდეს. თუ მომავალში არ იქნება შესაბამისი სავაჭრო სივრცეები, ბუნებრივია, ვიფიქრებთ ორგანიზებულ სივრცეზე, სადაც შეიძლება მათი განთავსება მოხდეს. კიდევ ვიმეორებ, ამ დროისთვის ეს საჭიროება არ დგას“, - განაცხადა ლექვინაძემ.
შეგახსენებთ, დღეს ნავთლუღის ბაზრის გარემოვაჭრეებმა თბილისის მერიასთან აქცია გამართეს. მათ მოითხოვეს აღნიშნულ ბაზრობაზე მათი საქმიანობის 6 თვით გახანგძლივება. როგორც მოვაჭრეებმა განაცხადეს, მათ ღამე გაათენეს ბაზრობაზე, რათა მათი დახლები არ აეღოთ.
როგორც აქციის მონაწილეებმა განაცხადეს, თუკი მთავრობა მათ მოთხოვნებს არ გაითვალისწინებს, ისინი კარვების გაშლასა და შიმშილობის დაწყებას აპირებენ.
ანა მებურიშვილი
საკვანძო სიტყვები:
გრძელდება საუბრები სანქციებზე მათ წინააღმდეგ, ვინც პასუხისმგებელია “ქართული ოცნების” დემოკრატიულ უკუსვლასა და ადამიანის უფლებების დარღვევებზე -ანიტა ჰიპერი
30 იანვარი, 2026 , 19:12
ეს კანონი შეეხება არა მედიებს, არა ენჯეოებს, არა პარტიებს, არამედ ყველას, საქართველოს ნებისმიერ მოქალაქეს - საბა ბრაჭველი
30 იანვარი, 2026 , 14:00
ეს არის ემოციურად დაზიანებული ხალხი, რომელსაც ავტომატურად ეწყებათ ზიზღის და სიძულვილის ფრქვევა - შალვა პაპუაშვილი
30 იანვარი, 2026 , 13:16
საქართველოში თუ ხარჯავენ პოლიტიკური შინაარსის ფულს, კეთილი ინებონ და ქართველ ხალხს ჰკითხონ, ჩვენ არ ვართ არავის კოლონია, რომ თავის ჭკუაზე ააწყონ ყველაფერი - შალვა პაპუაშვილი
30 იანვარი, 2026 , 13:05
მნიშვნელოვანია, გავიგოთ თავად ევროკავშირისგან, მისი საელჩოსგან და ევროკავშირის წევრი ქვეყნების საელჩოებისგან, აფინანსებდნენ თუ არა თაღლითურ სქემას ევროპული ფულით, ყალბ „ენჯეოებს“ იყენებდნენ თუ არა იმისთვის, რომ გვერდი აეარათ საქართველოს კანონმდებლობისთვის და შემოეტანათ პოლიტიკური ფული - შალვა პაპუაშვილი
30 იანვარი, 2026 , 12:22
„შემგუებლობის“ ფინალი ყველასთვის ერთია - თავისუფლების საბოლოო კრახი, სადაც არ უნდა იყო, ვინც არ უნდა იყო, რა დამსახურებაც არ უნდა გქონდეს - სალომე სამადაშვილი
30 იანვარი, 2026 , 12:11
