მსოფლიო

ზემო ლარსის ალტერნატივა, შესაძლოა, საჰაერო, ან საბორანე გზა გახდეს - ვაგან მარტიროსიანი

სომხეთის ტრანსპორტის, კავშირგაბმულობისა და საინფორმაციო ტექნოლოგიების მინისტრის, ვაგან მარტიროსიანის განცხადებით, ზემო ლარსის საკონტროლო გამშვები პუნქტის ალტერნატული გზის შემუშავება განხილვის სტადიაშია.

ამასთან მისი თქმით, ზემო ლარსის ალტერნატივა, შესაძლოა, საჰაერო,ან საბორანე გზა გახდეს,- წერს Sputnik-Армения

მისი თქმით, როდესაც საკითხსზე შეთანხმება იქნება მიღწეული, შედეგები გასაჯაროვდება.

„დღეს, საბორანე გზა გვაქვს. ამ გზით სომხეთიდან რუსეთში ტვირთის გადაზიდვა გაცილებით იაფი გვიჯდება, ვიდრე ზემო ლარსის შემთხვევაში“,-აღნიშნა მინისტრმა.

მასი თქმით, ქართულმა მხარემ კარგი პირობები წამოაყენა, თუმცა რუსულმა მხარემ ტვირთის გადაზიდვის დიდი ფასდაკლებებები დააწესა.

„კონკრეტული ციფრების დასახელება არ შემიძლია, რადგან ისინი ჯერჯერობით გამოქვეყნებული არ არის. თუმცა ეს ფასდაკლება მოქმედებეს“,-აღნიშნა მინისტრმა.

ჟურნალისტების კითხვაზე, აპირებს თუ არა სომხური მხარე რუსეთთან და საქართველოსთან ზემო ლარსის ალტერანატივად ჩრდილოეთ ოსეთი- სამხრეთ ოსეთის მარშუტის განხილვას, მარტიროსიანმა აღნიშნა, რომ „ყველაფერი პროცესშია“.

„დარწმუნებული იყავით, რომ სომხეთისთვის ყველა ალტერნატიული და მოსახერხებელი გზები განიხილება, თუმცა ამ დროისთვის დამატებით ინფორმაციაზე ვერ ვისაუბრებ“,-განაცხადა სომხეთის ტრანსპორტის მინისტრმა.

მანვე აღნიშნა, რომ საკითხი რუსეთ-საქართველოს ურთიერთობას ეხება.

მონიკა დავლიანიძე