პოლიტიკა

ბექა ნაცვლიშვილმა შესაძლოა უმრავლესობა დატოვოს - ინიციატივა საპენსიო რეფორმასთან დაკავშირებით, ორ კომიტეტში ჩავარდა

უმრავლესობის დეპუტატის, ბექა ნაცვლიშვილის ინიციატივას, რომელიც საპენსიო რეფორმაში ცვლილებებს ითვალისწინებს, სხვადასხვა კომიტეტებში განიხილავენ. ინიციატივა უკვე ჩავარდა საფინანსო-საბიუჯეტო კომიტეტზე. მანამდე კი ის დაიწუნეს აგრარულ იდა დარგობრივი კომიტეტის სხდომაზე.

როგორც ჩანს უმრავლესობის დეპუტატის ინიცატივა მმართველი გუნდის მხარდაჭერას ვერ მიიღებს. დეპუტატმა დღეს პირდაპირ თქვა, რომ თუ გუნდი მის ხედვას არ გაიზიარებს, ის დატოვებს უმრავლესობას.

ინიციატივასთან დაკავშირებით საბოლოო პასუხი არ აქვს ჯანმრთელობის დაცვისა და სოციალურ საკითხთა კომიტეტის თავმჯდომარეს, აკაკი ზოიძეს.

„კომიტეტი როდესაც განიხილავს მაგის მიხედვით მოგახსენებთ ჩემს აზრს. მე პირადად არ ვუჭერ მხარს, მაგრამ საუბარია იმაზე, რომ არსებობს კომიტეტი, მე ვარ წამყვანი კომიტეტის თავმჯდომარე, კომიტეტმა უნდა მიიღოს გადაწყვეტილება. უბრალოდ ინფორმაცია ამის თაობაზე რამდენიმე თვით ადრე ჯობდა, რომ მძლავრი საკომუნიკაციო კამპანია ყოფილიყო, სად უნდა გადაირიცხოს, როგორ უნდა გადაირიცხოს, დაბეგვრა როგორ უნდა მოხდეს და ბევრი ისეთი საკითხი, რომელიც უშუალოდ ვთქვათ ბიზნესისთვის ამ პროცესს აადვილებენ,“ - განაცხადა აკაკი ზოიძემ.