პოლიტიკა

მაია მიმინოშვილი დღეს მონაწილეობას იღებს პარტიულ საქმიანობაში, გადამზადებასა და ტრენინგებში - მამუკა მდინარაძე

მაია მიმინოშვილი დღეს მონაწილეობას იღებს პარტიულ საქმიანობაში, გადამზადებასა და ტრენინგებში და ამ თვალსაზრისით გვეხმარება, - ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ განაცხადა.

როგორც მდინარაძემ ჟურნალისტებს განუცხადა, მაია მიმინოშვილი პროფესიონალი და ძალიან კარგი კადრია, რომელიც წლების განმავლობაში გამოცდების ეროვნულ ცენტრს წარმატებით ხელმძღვანელობდა.

„მაია მიმინოშვილი დღეს მონაწილეობას იღებს პარტიულ საქმიანობაში, გადამზადებასა და ტრენინგებში და ამ თვალსაზრისით გვეხმარება. ახალ სახეებზე კი საბოლოო გადაწყვეტილებას პარტიის პოლიტსაბჭო მიიღებს. „ქართული ოცნების“ გაჯანსაღების პროცესი მეტი ინტენსივობით გაგრძელდება. ჩვენ შევეცდებით, მეტი პოზიტიური, ახალი სახე შემოვიყვანოთ პარტიაში“, – განაცხადა მამუკა მდინარაძემ.