თვითდამკვიდრება ჩემი დაკნინების ხარჯზე, არავის წარმატებას არ მოუტანს პოლიტიკაში -მიხეილ სააკაშვილი
თვითდამკვიდრება ჩემი დაკნინების ხარჯზე არავის წარმატებას არ მოუტანს, - ამ სიტყვებით გამოეხმაურა საქართველოს მესამე პრეზიდენტი სასამართლო პროცესზე ოპოზიციის ლიდერების განცხადებას.
მიხეილ სააკაშვილმა გაერთიანების მნიშვნელობას კიდევ ერთხელ გაუსხვა ხაზი და თქვა, რომ ახლა სწორედ ერთად დგომის და კონსოლიდაციის დროა.
“მე მინდა, ვთქვა, რამდენიმე სიტყვა ჩემს გარშემო ატეხილ ამბავზე. მე გამიხარდება, რომ ოპოზიცია იყოს აქტიური და შემტევი. მაგრამ ამავე დროს მინდა გითხრათ, რომ თვითდამკვიდრება ჩემი დაკნინების ხარჯზე, არავის წარმატებას არ მოუტანს პოლიტიკაში, რამდენიც არ უნდა იძახონ, რომ სააკაშვილი წარსული პოლიტიკოსია, თქვენ ხომ ხართ მომავლის პოლიტიკოსი? მე მივესალმები თქვენს გამარჯვებას. ვინც მე მაკრიტიკებს, ამ ხალხის 90 % ჩემს დროსაც აქტიურად იყო პოლიტიკაში. თუ ესენი არ იყვნენ, არიან იმ ხალხის შვილები ვინც იყო. არსებობს სხვადასხვა ხალხი, ვინც მე ფეხზე დავაყენე და სულ ფეხს მიდებენ. არის ისეთი ხალხი, ვისაც ჩავაცვი, პირდაპირი მნიშვნელობით და იმან გამხადა. მათგან უმეტესობა ძალიან კარგი ხალხია. ამ ძალიან კარგ ხალხს, მათ შორის ახალ ხალხს სჭირდება გაფრთხილება, გაერთიანება, ერთად ბრძოლა. ფრთხილად უნდა ვიყოთ, როცა ივანიშვილს და მის მინიონებს რაღაცას ვპირდებით და მათგან რაღაც ირიბ სარგებელს ვიღებთ ამისთვის. ეს დაუშვებელია ამ შემთხვევაში. ძალიან ბევრმა გადადო თავი, ბევრი მოხვდა ციხეში, ახლაც ციხეში არიან, ან ემქურებათ ციხე და მე ამ ხალხს ვცემ ძალიან დიდ პატივს”,[შიფრი ტვპირველი] - განაცხადა მიხეილ სააკაშვილმა.