საქართველოში უმაღლესი პოლიტიკური თანამდებობის პირების ხელფასები 50-ჯერ და მეტჯერ აღემატება საარსებო მინიმუმად მიჩნეულ 284 ლარს

2026 წლის 1-ელი იანვრიდან პრემიერმინისტრის, პრეზიდენტის და პარლამენტის თავმჯდომარის ხელფასები 1400 ლარით გაიზარდა და 16 000 ლარი გახდა.

"საჯარო დაწესებულებაში შრომის ანაზღაურების შესახებ" კანონის თანახმად, რომელიც პარლამენტმა 2024 წლის 7 მარტს მიიღო და ძალაში 2025 წლის 1-ელი იანვრიდან შევიდა, მაღალჩინოსნებისთვის მინიჭებული ხელფასის შესაბამისი კოეფიციენტი საჯარო სამსახურში დაწესებულ საბაზისო ანაზღაურებაზე გამრავლდება და მისი ხელფასიც ამის შესაბამისად განისაზღვრება.

"რადიო თავისუფლებას" ცნობით, ბიუჯეტიდან ყველაზე მაღალ ხელფასს — თვეში 16 000 ლარს იღებენ:

პრემიერმინისტრი ირაკლი კობახიძე;
პრეზიდენტი მიხეილ ყაველაშვილი;
პარლამენტის თავმჯდომარე შალვა პაპუაშვილი;
საკონსტიტუციო სასამართლოს თავმჯდომარე რევაზ ნადარაია;
უზენაესი სასამართლოს თავმჯდომარე ნინო ქადაგიძე.

მათზე შედარებით ნაკლებს იღებენ:

მინისტრები — 13 600 ლარი;
მათი მოადგილეები — 12 000 და 11 600 ლარი;
პარლამენტის თავმჯდომარის მოადგილე — 14 400 ლარი;
საპარლამენტო ფრაქციის თავმჯდომარეები — 13 600 ლარი;
დეპუტატების — 12 800 ლარი;

როგორც "რადიო თავისუფლება" წერს, დედაქალაქის მერიასა (გამგეობები) და საკრებულოში უფრო მაღალი ანაზღაურება აქვთ, ვიდრე სხვა თვითმმართველ ქალაქებში.

მერი — 10 620 ლარი;
ვიცე-მერი — 10 080 ლარი;
მერის მოადგილე — 9 840 ლარი;
ადმინისტრაციის უფროსი — 8 000 ლარი;
გამგებელი 8 000 — ლარი;
გამგებლის მოადგილე — 5 760 ლარი;
საკრებულოს თავმჯდომარე — 10 620 ლარი;
თავმჯდომარის პირველი მოადგილე —10 080 ლარი;
თავმჯდომარის მოადგილე — 9 600.ლარი;

რაც შეეხება მოსამართლეებს, სასამართლო ხელისუფლებაში ყველაზე მაღალი ხელფასი თავმჯდომარეებს აქვთ, შემდეგ მოდიან მოადგილეები და ბოლოს — რიგითი მოსამართლეები.

უზენაესი სასამართლოს თავმჯდომარე 16 000 ლარი;
თავმჯდომარის პირველი მოადგილე 14 720 ლარი;
თავმჯდომარის მოადგილე 14 400 ლარი;
მოსამართლე 13 600 ლარი;

სააპელაციო სასამართლოს თავმჯდომარე 13 440 ლარი;
თავმჯდომარის მოადგილე 13 280 ლარი;
პალატის თავმჯდომარე 13 120 ლარი;
მოსამართლე 12 960 ლარი;

თბილისის საქალაქო სასამართლოს თავმჯდომარე 13 120 ლარი;
თბილისის საქალაქო სასამართლოს კოლეგიის თავმჯდომარე 12 480 ლარი;
სხვა სასამართლოს თავმჯდომარე 12 480 ლარი;
სხვა სასამართლოების კოლეგიების თავმჯდომარე 12 000 ლარი;
მოსამართლე 11 520 ლარი;

საკონსტიტუციოს თავმჯდომარე 16 000 ლარი;
თავმჯდომარის მოადგილე 14 400 ლარი;
მოსამართლე 13 600 ლარი.

სრულად სტატია ნახეთ აქ.