შეერთებულმა შტატებმა ირანის სამხედრო ობიექტებზე მორიგი საჰაერო იერიში მიიტანა

აშშ-ის ცენტრალურმა სარდლობამ (CENTCOM) განაცხადა, რომ 13 ივლისს ირანის სამხედრო ობიექტებზე მორიგი საჰაერო დარტყმების ტალღა წარმატებით დაასრულა. (centcom.mil)

CENTCOM-ის ინფორმაციით, ხუთსაათიანი ოპერაციის ფარგლებში აშშ-ის ძალებმა მაღალი სიზუსტის საბრძოლო მასალებით დაარტყეს სამხედრო სამიზნეებს ირანის რამდენიმე რეგიონში, მათ შორის ბუშეჰრში, ჩაჰბაჰარში, ჯასკში, კონარაკში, აბუ მუსასა და ბანდარ-აბასში.

სარდლობის განცხადებით, ოპერაციის მიზანი იყო ირანის შესაძლებლობების კიდევ უფრო შეზღუდვა, რათა მან ვერ შეძლოს საერთაშორისო კომერციულ გემებზე თავდასხმების განხორციელება. დარტყმების სამიზნეებს შორის იყო სანაპირო თავდაცვის სისტემები, სარაკეტო და უპილოტო საფრენი აპარატების პოზიციები, ასევე ირანის საზღვაო შესაძლებლობები.

CENTCOM-ის ცნობით, ამჟამად ახლო აღმოსავლეთში 50 000-ზე მეტი ამერიკელი სამხედრო მოსამსახურეა განლაგებული.

„ამერიკული ძალები რჩებიან მუდმივ მზადყოფნაში, გააჩნიათ მაღალი საბრძოლო შესაძლებლობები და მზად არიან ნებისმიერი საფრთხის საპასუხოდ“, – აღნიშნულია აშშ-ის ცენტრალური სარდლობის განცხადებაში.