ეკონომიკა

2017 წლის III კვარტალში საშუალო თვიური ნომინალური ხელფასი 1069,1 ლარს შეადგენდა

2017 წლის III კვარტალში საქართველოში დაქირავებით დასაქმებულთა საშუალო თვიური ნომინალური ხელფასი 1069,1 ლარს შეადგენდა. საქსტატის მონაცემებით, ყველაზე მაღალი საშუალო ნომინალური ანაზღაურება სამშებენლო სექტორშია (1999,5 ლარი), ყველაზე დაბალი - განათლების სფეროში (565,7 ლარი).

III კვარტლის მონაცემებით, მშენებლობის შემდეგ ანაზღაურების ოდენობით საფინანსო სექტორი მოდის, სადაც საშუალო თვიური ნომინალური ხელფასი 1861,3 ლარს შეადგენს, მას მოჰყვება სამთომომპოვებითი მრეწველობა (1337,7 ლარი), შემდეგ ტრანსპორტი და კავშირგაბმულობა (1329,8 ლარი) და სახელმწიფო მმართველობა (1296,4 ლარი).

საქსტატის მონაცემებით, 2017 წლის III კვარტალში სასტუმროებისა და რესტორნების სექტორში საშუალო თვიურმა ანაზღაურებამ 818,7 ლარი შეადგინა, ხოლო ჯანდაცვისა და სოციალური დახმარების სექტორიში - 958,5 ლარი.