უკან
არქივი
სამართალი
26 ივნისი, 2018 16:30
72 საათი დაგვჭირდება და სამშენებლო სამუშაოებს დავიწყებთ - კომპანია „სვეტის“ დირექტორი
სამშენებლო კომპანია „სვეტის“ დირექტორმა, გივი ჯიბლაძემ ფინანსთა სამინისტროს საგამოძიებო სამსახური დატოვა.
„ჯერჯერობით, ვერაფერს გეტყვით, რადგან გაუთქმელობაზე მაქვს ხელი მოწერილი. 72 საათი დაგვჭირდება და სამშენებლო სამუშაოებს დავიწყებთ“, – განაცხადა გივი ჯიბლაძემ.
ჯიბლაძის გამოკითხვა დაახლოებით ორ საათს გაგრძელდა. უწყებაში ისევ გრძელდება დაზარალებულების დაკითხვა.
„სვეტი დეველოპმენტის“ ოფისში სამშენებლო კომპანია „სვეტის“ მიერ დაზარალებული მენაშენეები რამდენიმე დღეა, შიმშილობენ. ისინი „სვეტის“ სხვა კომპანიით ჩანაცვლებას და მშენებლობების დასრულებას ითხოვენ.
დაზარალებულებს გუშინ კახა კალაძე შეხვდა და მერიის კომპეტენციის ფარგლებში მხარდაჭერასა და მშენებლობის გასაგრძელებლად ნებართვების დაჩქარებულ ვადაში გაცემას დაჰპირდა.