კომენტარი
არანაირ ფსიქოლოგიური ზეწოლა არ ყოფილა, ჯანმრთელები და უვნებლები არიან - ლევან ქუტაშვილის დედა
არანაირი ფსიქოლოგიური ზეწოლა არ ყოფილა, ჯანმრთელები და უვნებლები არიან,– განუცხადა ჟურნალისტებს ოკუპირებული ახალგორიდან გუშინ გათავისუფლებული ლევან ქუტაშვილის დედამ და აღნიშნა, რომ მისი შვილი გაურკვევლობაში მოყვა.
მისი თქმით, ამ დროისთვის მისი ვაჟი თბილისში იმყოფება, თუმცა, ზუსტი ადგილსამყოფელი არ იცის.
„ესენი ერთად არ ყოფილან და არაფერი არ იციან მის შესახებ. ერთად დააკავეს, მაგრამ შემდეგ დააცალკევეს და შემდეგ რა მოხდა, არ ვიცით,“ - განაცხადა ქუტაშვილის დედამ.
ცნობისათვის, ლევან ქუტაშვილმა და იოსებ პავლიაშვილმა ოკუპირებული ახალგორი გუშინ დატოვეს.
სახელმწიფო უსაფრთხოების სამსახურის ინფორმაციით, 22 თებერვალს ოკუპირებული ცხინვალის წარმომადგენლებმა საქართველოს მოქალაქეები არჩილ ტატუნაშვილი,ლევან ქუტაშვილი და იოსებ პავლიაშვილი უკანონოდ დააკავეს.
არჩილ ტატუნაშვილი 23 თებერვალს ოკუპირებულ ქალაქ ცხინვალის საავადმყოფოში გაურკვეველ ვითარებაში გარდაიცვალა. ლევან ქუტაშვილი და იოსებ პავლიაშვილი ცხინვალის ე.წ. ციხიდან გაათავისუფლეს, თუმცა ამ დრომდე ოკუპირებულ ტერიტორიაზე იმყოფებოდნენ.