საზოგადოება

ბაჩო ახალაია ჩაფიძის გულის კლინიკაში იყო მოთავსებული

პატიმრობაში მყოფი თავდაცვის ყოფილი მინისტრი, ბაჩო ახალაია, ჩაფიძის გულის კლინიკაში, გეგმიური გამოკვლევისთვის იყო მოთავსებული.

როგორც ახალაიას მეუღლემ ანი ნადარეიშვილმა, Facebook-ის პირად გვერდზე დაწერა, ყოფილი თავდაცვის მინისტრი „თავს კარგად გრძნობს და ის ჩაფიძის კლინიკაში მხოლოდ 2 საათით იყო მოთავსებული“.

ახალაიას ადვოკატის, მალხაზ ველიჯანაშვილის თქმით, ბაჩო ახალაია კლინიკაში 23 მაისს იყო გადაყვანილი და ის უკვე დააბრუნეს სასჯელაღსრულების დაწესებულებაში.

მონიკა დავლიანიძე