უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 12:41გენდერული კვოტირების გაუქმებას პრეზიდენტმა ვეტო დაადო და პარლამენტს უკვე მიმართა
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
საზოგადოება
ჩაფარ პირველი - ზიგზაგობრივი მოძრაობა სამთავრობო კარუსელზე
თავიდან ძალიან გამიკვირდა გიორგი გახარიას ზიგზაგობრივი მოძრაობა სამთავრობო კარუსელზე - მეტად უცნაური გადაადგილებანი. - წერს მწერალი როსტომ ჩხეიძე სოციალურ ქსელში.
„თავიდან ძალიან გამიკვირდა გიორგი გახარიას ზიგზაგობრივი მოძრაობა სამთავრობო კარუსელზე - მეტად უცნაური გადაადგილებანი. ბიზნეს-ომბუდსმენი მოგვევლინა ეკონომიკის მინისტრად, იქიდან კი პირდაპირ პირველი ჩაფრის მუნდირი მოირგო.
ჯერ ესეც აუხსელი ჩანდა, და მითუმეტეს: არსად გამორჩეულა რაიმე კარგი და სასიკეთო საქმით, მის სახელს არ დაკავშირებია რეფორმის გატოკებაც კი. არსებითად: გაუბედურებული ომბუდსმენი გაგვიხდა მინისტრი და... ეს წყალწაღებული ეკონომიკის შეფი გადაჯდა ჩაფარ პირველის სავარძელში.
ფარული ჩანაწერების გამოქვეყნებამ, როგორც „ომეგა ჯგუფის“ საქმესთან დაკავშირებულმა, ისე მირზა სუბელიანის აღსარებამ, ერთბაშად გაგვარკვია გიორგი გახარიას პიროვნულ მრწამსშიც და მისი კარიერული გზის ზიგზაგობრიობაც ასახსნელი გახადა.
იგი ჩაფარი გახლდათ მაშინაც, როდესაც ბიზნეს-ომბუდსმენი გვეგონა.
და ჩაფარი გახლდათ მაშინაც, ამაოდ რომ მოველოდით თუნდ ჩხირის გადაბრუნებას საქართველოს ეკონომიკურ ცხოვრებაში.
პირველი კაცისაგან ევალა:
ბიზნესმენებთან „მოლაპარაკება“ , ანუ სინამდვილეში: მათი გატაცება, დაშინება და სამთავრობო რეკეტის ორგანიზება. აღმსრულებლებად კი ეყოლებოდა ოთარ ფარცხალაძე და მირზა სუბელიანი.
ბოლოსდაბოლოს გარეგნულადაც გახდა ის, რაც ისედაც იგულისხმებოდა: ჩაფარ პირველი და არა პოლიციელი, რომელიც კანონების დამცველად წარმოგვიდგება და არა კანონთა ზევით მდგომად.
ჟურნალისტებთან თამამად აცხადებდა:
წავალ ლონდონში, რატომაც არა, დიდი ხანია იქ აღარ ვყოფილვარ, და ყველა კითხვას გავცემ პასუხსო.
ისე ყინჩობდა, თითქოს საპატიო სტუმრად ყოფილიყოს მიწვეული სახელმწიფო ცერემონიალში, და არა კორუფციაში ბრალდებით.
ფერი კი ისე ჰქონდა დაკარგული, შეგებრალებოდა.
რა ვქნა, ნარკომანობა როგორ დავიბრალო, თორემ „ომეგა ჯგუფი“ წინაშე ჩადენილი ცოდვებისათვის ბოდიშებსაც მოვახდევინებდი.
რაც არის და როგორც არის, გახსნით უკვე გახსნილია მისი ზიგზაგობრივი მოძრაობის ფარული მექანიზმი.“ - დაწერა როსტომ ჩხეიძე „ფეისბუქზე“