ეკონომიკა

„დარიალიჰესით“ადგილობრივ ბიუჯეტს ყოველწლიურად 2,5 მლნ ლარი დაემატება - დიმიტრი ქუმსიშვილი

საქართველოს პირველი ვიცე-პრემიერის, ფინანსტა მინისტრის დიმიტრი ქუმსიშვილის განცხადბეით, "დარიალიჰესის" ექსპლუატაციაში შესვლით ადგილობრივ ბიუჯეტს მხოლოდ ქონების გადასახადის სახით ყოველწლიურად დაემატება 2,5 მლნ. ლარი.

ამასთან, როგორც ქუმსიშვილმა აღნიშნა მნიშნელოვანია, რომ ადგილზე მუდმივად დასაქმდება 80-მდე ადგილობრივი მცხოვრები.

ამის შესახებ ვიცე-პრემიერმა "დარიალი ჰესის" ოფიციალურ გახსნაზე განაცხადა.

მისივე ინფორმაციით, ჰესის მშენებლობაზე დასაქმებული იყო 420 ადამიანი,პროექტი, ასევე ქმნის მილიონობით ლარის ღირებულების ყოველწლიური შემოსავლის წყაროს ქვეყნის ბიუჯეტისთვის.

„ესა არის საჯარო-კერძო სექტორის თანამშრომლობის პირველი წარმატებული პროექტი საქართველოს ჰიდროენერგეტიკის სექტორში. ჩვენ მთავრობის 4-პუნქტიანი გეგმის ფარგლებში, ვმუშაობთ საჯარო-კერძო სექტორის თანამშრომლობის მოდელის ჩარჩო კანონის შემუშავებაზე, რომელიც საქართველოში გაზრდის ინვესტიციებს მსხვილ პროექტებში, მათ შორის, ინფრასტრუქტურაშიც“,- განაცხადა პირველმა ვიცე-პრემიერმა.

„დარიალიჰესის“ მშენებლობაზე, რომელიც დამოუკიდებელი საქართველოს ისტორიაში ქვეყნის ყველაზე მძლავრი ელექტროსადგურია, 123 მლნ აშშ დოლარის ინვესტიცია განხორციელდა.

ჰესის დაგეგმილი საშუალო წლიური გამომუშავება 510 მლნ კვტ.სთ-ი იქნება. სადგურს ასევე აქვს საქართველოში ერთერთი ყველაზე მასშტაბური სადერევაციო გვირაბი, რომლის სიგრძე 5 კმ-ია.

მონიკა დავლიანიძე