პოლიტიკა

დიდი იმედი მაქვს, უკრაინა სააკაშვილს საქართველოს გადმოსცემს და მას ქართული მართლმსაჯულება გაასამართლებს - ირმა ინაშვილი

პარლამენტის ვიცე-სპიკერი ირმა ინაშვილი უკრაინის ხელისუფლებას მიმართავს, ყოფილი პრეზიდენტი მიხეილ სააკაშვილი და ყოფილი თანამდებობის პირები საქართველოს გადმოსცეს.

როგორც ინაშვილმა თქვა, საქართველოს მთავარმა პროკურატურამ რამდენჯერმე მიმართა უკრაინას სააკაშვილის გადმოცემის თაობაზე.

„სააკაშვილს საქართველოში ოთხი ბრალი აქვს წაყენებული. საქართველოს მთავარმა პროკურატურამ სააკაშვილის გადმოცემის თაობაზე უკრაინის შესაბამის ორგანოებს რამდენჯერმე მიმართა. დიდი იმედი მაქვს, უკრაინა სააკაშვილს საქართველოს გადმოსცემს და მას ქართული მართლმსაჯულება გაასამართლებს“, - განაცხადა ინაშვილმა.

ინაშვილი ამ თემაზე საუბარს უკრაინის უმაღლესი რადას თავმჯდომარე ანდრიი პარუბისთან გეგმავს, რომელსაც ასევე შეხვდებიან საქართველოს პარლამენტის თავმჯდომარე ირაკლი კობახიძე და ვიცე-სპიკერი სერგი კაპანაძე.

ანა მებურიშვილი