კომენტარი
დონალდ ტრამპის გაპრეზიდენტების შემთხვევაში სამხრეთ კავკასიისთვის შეიძლება სავალალო შედეგები დადგეს- ექსპერტები
საქართველო-კავკასიის სტრატეგიული კვლევითი ინსტიტუტის ექსპერტები ამერიკის საპრეზიდენტო არჩევნების საკითხს გამოეხმაურნენ.
ექსპერტები თანხმდებიან, რომ საქართველოსთვის გაცილებით კარგი შედეგი იქნება, თუ ამერიკის პრეზიდენტი „დემოკრატი“ კანდიდატი გახდება.
„ყველასთვის ცნობილია ტრამპის დამოკიდებულება რუსეთის მიმართ. მიუხედავად მისი კეთილგანწყობისა ამ სახელმწიფოსადმი, მას გაპრეზიდენტების შემთხვევაში მაინც გაუჭირდება გადალახოს ის წინააღმდეგობები, რაც რუსეთსა და ამერიკას შორის არსებობს. ტრამპის გაპრეზიდენტებამ შესაძლოა სამხრეთ კავკასიისთვის სავალალო შედეგები მოიტანოს, რადგან ის უპირატესობას დიდ ქვეყნებს ანიჭებს და რეგიონული პოლიტიკა ნაკლებად აინტერესებს“, – განაცხადა პრესკონფერენციაზე საქართველო-კავკასიის სტრატეგიული კვლევითი ინსტიტუტის წარმომადგენლმა თემურ თუმანიშვილმა.
ირაკლი ტორონჯაძე მიიჩნევს, რომ ჰილარი კლინტონის გაპრეზიდენტების შემთხვევაში იგი მოქმედი პრეზიდენტის ბარაქ ობამას პოლიტიკურ კურსს აქტიურად გააგრძელებს.
„ბოლო სკანდალამდე თითქოს ჰილარი კლინტონისკენ იყო გადახრილი სასწორი, თუმცა ახლა უკვე პროგნოზის გაკეთება ძალიან ძნელია, ეს არ არის ფორმალური არჩევნები და ძნელი სავარაუდოა ვისაუბროთ იმაზე, რომ დემოკრატები მესამედ მოვლენ ამერიკის ხელისუფლებაში“, –აღნიშნა ირაკლი ტორონჯაძემ.
შეგახსენებთ, რომ ამერიკის 58 პრეზიდენტის არჩევნები 8 ნოემბერს გაიმართება.
მონიკა დავლიანიძე