ეკონომიკა

ძალიან მაინტერესებს, როგორ გამოიყურება პრაქტიკაში მთავრობის მიერ წარმოდგენილი უმუშევრობის დაძლევის გეგმა- ადა მარშანია

პატრიოტთა ალიანსის წევრს ადა მარშანიას აინტერესებს თუ როგორ გამოიყურება პრაქტიკაში მთავრობის მიერ წარმოდგენილი უმუშევრობის დაძლევის გეგმა. - ამის შესახებ მარშანიამ ჟურნალისტებს 2017 წლის სახელმწიფო ბიუჯეტის პროექტზე საუბრისას განუცხადა.

მარშანია იწონებს, რომ 2017 წელს განათლებისა და ჯანდაცვის ბიუჯეტის ზრდას.

„ძალიან კარგი თუ განათლების და ჯანდაცვის ბიუჯეტს ზრდიან. ეს ორი დარგი, მიმართულება, არის ჩვენი ხალხის, ჩვენი მოსახლოების ძირითადი სახერხემლო მიმართულება, ასე ვიტყოდი. ძალიან მაინტერესებს ის ამბიციური გეგმა, ასე ბრძანა თავად მთავრობის წარმომადგენელმა, უმუშევრობის დაძლევაზე, პრაქტიკულად როგორ გამოიყურება“,-განაცხადა დეპუტატმა.

დღეს, დღის ბოლომდე 2017 წლის ბიუჯეტის პროექტი პარლამენტში დარეგისტრირდება. ამის შემდეგ, 5 დღის ვადაში კომიტეტებში მოსმენა უნდა დაიწყოს.

მონიკა დავლიანიძე