კომენტარი

ძალის გამოყენებაზე ექსკლუზივი აქვს სახელმწიფოს - თამარ ჩუგოშვილი

არც ერთ შემთხვევაში ასეთი ტიპის შეტაკებების მოწყობა გამართლებული არ არის. ძალის გამოყენებაზე ექსკლუზივი აქვს სახელმწიფოს, - ასე ეხმაურება საქართველოს პარლამენტის თავმჯდომარის პირველი მოადგილე თამარ ჩუგოშვილი პანკისში განვითარებულ მოვლენებს.

მისი თქმით, სამწუხარო იყო ის ესკალაცია, რომელიც პანკისის ხეობაში მოხდა.

„პირველ რიგში, ძალიან სამწუხარო იყო ის ესკალაცია, რომელიც ვნახეთ. ამ საკითხს რამდენიმე მხარე აქვს. პოლიციელებზე თავდასხმა არის დაუშვებელი. არც ერთი არგუმენტით ეს გამართლებული არ შეიძლება იყოს.

რაც ჩვენ ვნახეთ, პოლიციელებზე თავდასხმა, განადგურება მათი ქონების, მათი ჯანმრთელობის დაზიანება, ეს არის ყოვლად დაუშვებელი და ამას არ შეიძლება გამართლება ჰქონდეს. ძალის გადამეტება არ ყოფილა. ფიზიკურად იქ ყოფნა ძალის გადამეტება არ არის. არც ერთ შემთხვევაში ასეთი ტიპის შეტაკებების მოწყობა გამართლებული არ არის. ძალის გამოყენებაზე ექსკლუზივი აქვს სახელმწიფოს,“ - განაცხადა თამარ ჩუგოშვილმა.